影片
更多
2016-03-07
340 瀏覽
為感謝我家男人為了我跟小魔B ,沒有任何怨言陪我拍了一套又一套既大肚照認識我的朋友也知道我男人自名為賭神不喜歡拍照不喜歡對鏡頭，所以一齊那麼久影得最多相就是拍結婚相跟大肚照了今次影左兩套相，男人都沒有黑面加上比說話我聽今次係影完第二套相之後，就同左男人去食燒肉揀左位於尖沙咀既伊賀日本料理其實一路都好想食放題，但係要知道而家既我刺身，生冷野都唔食得，唔食呢d 去食放題好唔SO 者不過今次揀呢間呢，就唔只係食刺身同壽司咁簡單啦仲有任燒的燒肉去食，係餐廳雖然唔算好大亦有分室內同室外兩款既燒烤而我就一早book 枱講明想要戶外，原因就是朋友說我一定會喜歡室外的感覺就是這樣，原來室內同室外是兩種不同的燒烤呢以炭燒爐燒烤絕對有另一番風味，然而最重要就係呢度好先進同時仲好環保因為落單唔同平時d 放題不斷咁填紙仔一來唔會甩單，二來又唔會畫得花曬最重要唔洗下下要搵人接收張單呀嗎?在每枱一坐底之後，就會有刺身船同燒肉併盤送上架啦咁由於我都食唔到刺身，亦冇謂太浪費d 食物就叫左佢地唔好上刺身船未知係唔係佢以為連燒肉併盤都唔上咁係餐廳入面有刺身，小食,炸物，海鮮類，野菜類，壽司及燒肉類產品。而PAD 上既食物
為感謝我家男人為了我跟小魔B ,
沒有任何怨言陪我拍了一套又一套既大肚照
認識我的朋友也知道我男人自名為賭神
不喜歡拍照不喜歡對鏡頭，所以一齊那麼久
影得最多相就是拍結婚相跟大肚照了
今次影左兩套相，男人都沒有黑面加上比說話我聽
今次係影完第二套相之後，就同左男人去食燒肉
揀左位於尖沙咀既伊賀日本料理
其實一路都好想食放題，但係要知道而家既我
刺身，生冷野都唔食得，唔食呢d 去食放題好唔SO 者
不過今次揀呢間呢，就唔只係食刺身同壽司咁簡單啦
仲有任燒的燒肉去食，係餐廳雖然唔算好大
亦有分室內同室外兩款既燒烤
而我就一早book 枱講明想要戶外，原因就是朋友說我一定會喜歡室外的感覺
就是這樣，原來室內同室外是兩種不同的燒烤呢
以炭燒爐燒烤絕對有另一番風味，
然而最重要就係呢度好先進同時仲好環保
因為落單唔同平時d 放題不斷咁填紙仔
一來唔會甩單，二來又唔會畫得花曬
最重要唔洗下下要搵人接收張單呀嗎?
在每枱一坐底之後，就會有刺身船同燒肉併盤送上架啦
咁由於我都食唔到刺身，亦冇謂太浪費d 食物就叫左佢地唔好上刺身船
未知係唔係佢以為連燒肉併盤都唔上
咁係餐廳入面有刺身，小食,炸物，海鮮類，
野菜類，壽司及燒肉類產品。
而PAD 上既食物只需要係$0.00 都係任點
冇記錯要比錢只係海鮮類既生蠔同長腳蟹
首先比左大家睇下，我忍口忍足8個月既刺身，等多三個月我就會可以狠狠咁食一餐
到時同男人慶生辰就可以食到啦XDD
男人話整體上也不錯，就是唔知點解落左幾次單
都係唔比Wasabi 我地，唯一呢個小問題存在
仲有小食款式呢，當中有沙津啦，八爪魚中華沙津枝豆等等我呢d 又係冇得食所以就冇特別影底啦
咁就主打分享佢地既燒肉材料啦
當中既牛小排，牛舌同牛柳粒
仲有五花腩都覺得幾好食
最重要係呢d 都唔洗專登落調味料都可以好好食
不過可能我地食個日都叫係假期，比較多人一點
甩單上是有的，有一些以為它漏左單.
再加點的時候就會出現了
我未知電子爐燒起這些肉類會否很快就熟但是用上這個炭爐一放上去這個網就好快變色
所以燒牛的話就要留意時間啦，唔好燒得太耐囉
其實我地又唔止單單食肉類咁簡單既，
仲有食海鮮類既凡立貝同花枝片
不過對於海鮮類燒就未必好好食，因為太乾啦
不過對於燒野菜類，我燒了好似雞脾菇同日本蕃薯仔
仲可以點了生菜用來包住一些燒肉，同時可以減低油膩感
最重要記得預番d 數量好似生菜都係以一塊塊去計算架
雖然我唔食得刺身壽司既產品，但係對於炸物我都有點到的，但係我又掛住係咁食
完全忘記了拍照，今次我點了有炸芝士年糕
我看了食評大家也說它家的榴槤炸彈，
但是我跟男人也不吃榴槤所以就沒有特別地點了
另外也有點了一些炸蟹柳天婦羅蝦
不過未知係咪擺得太耐，有d 凍左同時變得軟淋淋
可以令我家男人完全吃完這一餐可以叫飽的話
今次這個伊賀絕對可以做得到了
最重要也是我最期待的，男人知道我恨食雪糕恨左好耐
可樂唔飲得，咖啡冇得飲，魚生唔食得
破例比我食左兩啖雪糕，簡直係人間極品
最重要呢隻MOVENPICK 係極少係放題會有得食
雖然少少地都有100g 架，我最喜歡都係朱古力味
每一個人都可以享有一客架，記得唔好唔食呀
題外話/補充資料：
其實係呢度就冇特別有飲品的，想要汽水就要$20/罐
但係加$30 就可以任飲啦。
另外呢就係有個生日優惠，只要你係當月生日人仕
就可以享有四人同行一人免費，當月有兩位朋友生日咁點計呀?
只要你地夠八個人就可以享用啦
(以上食評乃用戶個人意見 , 並不代表OpenRice之觀點。)
張貼
