啡寮 (已結業)

長洲愈來愈多特色野！好似呢間文青Cafe，只係碼頭🛥行數分鐘就到。🏖假日得閒入去chill下真係唔錯😌。

.
佢地嘅椰皇冰滴咖啡就夠哂特色！新鮮椰皇水加上冰滴咖啡，竟然冇違和感，兩種味都好出！椰皇嘅甜味更加中和左咖啡嘅苦味☕️。用上原個椰皇，仲可以食埋啲椰肉添！

椰皇冰滴咖啡

椰皇冰滴咖啡

.
冰滴咖啡嘅價錢從來都唔低，因為製作過程漫長，係用低溫、慢滴嘅方法萃取咖啡⏳。一般要滴漏6-8個鐘先完成💧，每一滴都係精華同心思！

椰皇冰滴咖啡

.
店內嘅真木櫈、冰滴咖啡壺、牆上面嘅藍色壁畫⋯絕對值得哂菲林影番幾張🎞️。壁畫由@bluestunnel_artwork 操刀，店家好有心思地將長洲張保仔洞作為壁畫嘅一部分。至於雲石門牌，雖然曾經俾途人整碎但修復後更有特色。