串點 (已結業)

長沙灣近年新舊交替，好多年輕特色小店進駐，好似呢間主打露營為主題嘅串燒店，就夠晒特別。牆上裝橫全部用木造嘅，燈光柔和，氣氛舒服，枱櫈、枱燈就用上咗露營嘅用品，而露營櫈坐落去特別舒服，好relax嘅感覺。龍蝦沙律龍蝦切粒加埋秘製沙律醬，用脆身嘅紫菜包住嚟食，加上青瓜嘅爽脆增添口感，食落好開胃，作為前菜一流。燒物-牛舌芯牛舌芯相當厚身，燒得微微焦香，口感爽彈，而且仲保留肉汁，好高質。雞肉串 -沙嗲咖喱味 冬蔭味雞肉肉質嫩滑，醬汁分別有兩種口味，沙嗲咖哩及冬蔭，沙哩味夠晒濃郁惹味，冬蔭味酸酸辣辣，再加上檸檬汁，好有泰國風味。大蔥雞肉串大蔥經過照燒汁燒烤過後甜甜地，雞肉比之前兩串大舊，啖啖肉好嫩滑。黑松露忌廉海鮮湯烏冬一上枱已經聞到濃烈嘅黑松露味道，好吸引。順滑濃稠忌廉湯，配上濃郁嘅黑松露，味道大大昇華。烏冬口感彈牙，海鮮配料特別多，有蝦、魷魚、蜆肉等等，好豐富。