塩玉居酒屋 (已結業)

今次去咗港島行街，係登龍街搵咗一間樓上居酒屋hea下。Bar枱都幾有feel，獨自飲兩杯都幾好。雖然係平日夜晚，都keep住有人黎食小小嘢。唔用腦之下就叫咗omakase ，一定會係店最新鮮嘅食材。要由最淡味開始食，所以都係食下刺身先。本身壽司已經加咗小小芥末，可以唔駛再點。呢個二人前一上台好誇張，有鮟鱇魚肝：口感唔錯，入口即溶，一舊已經好夠。拖羅，好鮮，我有啲怕吞拿魚味，但呢個絕對無問題。其他壽司仲有北海道帶子，北海道牡丹蝦，深海池魚，金目𩶘，真鯛，記得由最淡味開始食，如果先食拖羅個啲，後面唔知食緊咩味。蝦頭湯，好濃味，食完一堆壽司刺身後可以𠺘下口，再食。免治雞肉棒，幾好味，個汁調得幾好，都唔駛專登點個蛋汁，點左就滑啲。汁燒五花腩，好味，唔會太靱，唔錯豬軟骨串，剛剛好，我個人好怕落太多調味料，幸好呢間唔會。（如果有杯酒就好啦）柚子雪榚，清一清喉嚨，好似真係食緊柚子咁，有啲苦澀味，不過好refresh。