Lava Java 咖啡西餐廳 (已結業)

再次挑戰食樓上cafe，呢間位置係觀塘嚟講算中間位置，近港鐵出口。佢係商業大廈內，搭𨋢個陣先知原來呢間匯豐可以搭王子大廈電梯上二樓櫃位。大多數客人都被安排較入嘅位置坐，環境算係舒服，不過好嘈，我地傾計要大聲啲。午餐嚟講算貴，特式飲品都要以半價order。餐前湯有白或紅湯，餐包令我諗起花x餐廳，湯普通，無乜料。朋友叫咗呢個牛肉漢堡，有趣的是有泡菜，牛肉麻麻，包亦普通。我食咗呢個雞扒薯菜，恕我直言，如果呢個餐50元我係接受，90元嘅我會expect有啲唔同，雞扒正常，抽子汁可以多啲濃啲，菜又係完全唔關事，薯條上菜個刻已經淋哂。。。分別加咗錢飲嘅朱古力產品，抱歉，係有玫瑰味，但朱古力好普通。只能講，一餐午餐嚟講，味道未至於好差，但你叫我用120元，觀塘區有更多選擇，相信味道會好好多。