HOW Food Factory (已結業)

呢間cafe一直都好想食，今日終於有機會啦！太好笑地我地互相以為對方有book，點知無book，原先真係full哂，等左一陣就有，太好運了（有興趣嘅一定要book，呢啲運仔唔係時時有）佢一邊係賣木制傢私，完全唔似係觀塘。坐底即叫嘢食，三個人三個餐加一份薯條，好誇張，係我地心情太好。我係香芒螺絲粉，份量係夠嘅，味道係特別左啲，偏淡，汁可以再結身小小會好啲。另外兩個餐係大蝦扁意粉同埋大菇意粉，值得一讚嘅係嗰個菇，整得好好味，都夠味，而且飛水飛得好好！薯角配黑松露醬ok，本人喜歡薯條多啲。整體食物味道偏淡，環境就淨啲，同樓下一樣，陣油煙味過勁，返到公司整左好耐。。。