Him’s (中海日升中心) (已結業)

之前有幫襯過呢間，當時佢係鴻圖道開，初初食個陣好喜歡佢嘅all day breakfast，每個item都抵食，又抵。不過唔知中途係咪轉左手，啲食物差咗，結果無再去。（應該係同一間）今次搬左去中海日升（譚仔樓下），呢個鋪位都大，重新執過，睇下得唔得。環境係大同寬敞，座位係舒服，剛剛開始嘅所有嘢都係好新淨。（先利申：我係一個月前幫襯，可能同依家有啲出入）價錢同佢未搬前差不多，係百元附近上落，選擇算係多。沙律，鴨胸還可以，但個汁同沙律唔係好match，沙律菜算係新鮮。我叫嘅係日式咖哩炸雞配飯，呢個令我失望，炸雞個皮超厚，咖哩味道一般，啲飯比較濕，呢個真係無乜胃口，諗住呢個都穩穩陣陣，點知。。。要左蘋果果醋，呢個叫做幾特別，味道ok，同平時飲嘅果醋一樣，無特別溝淡咗。服務方面，職員落order較慢，未係好知自己店有咩，配咩又唔係好清楚，希望依家已經有所改善，期待下次食得番有水準嘅all day。唔好意思，如果真係講失望，呢次都要扣分，連同行嘅同事都咁認為。