PHI Coffee & Pancake (屯門市廣場1期)

營業中

休息中

去屯門坐屯馬線真好方便，去完屯門逛商場睇戲，順便喺屯門市廣場食嘢，同朋友去PHI COFFEE飲咖啡同食梳乎厘。去到餐廳打開Menu見到期間限定PHI X Sofina推出藍調水色夏日清涼梳乎厘之旅 $122，呢個set包括藍調水色薄荷朱古力梳乎厘同埋清澈明亮夏日沙冰，即點即整梳乎厘，熱辣辣上枱同朋友一齊分享，梳乎厘送上枱時已經聞到好香蛋味, 食落口感鬆軟，配搭薄荷朱古力粒雪糕，非常yummy! 配搭清澈明亮夏日沙冰，外表鮮綠色薄荷雪榚沙冰，口感清新又解渴，好refreshing!朋友點了一杯 Godiva Chocolate Wine Coffee $58，飲一口好rich 同細滑朱古力味道，下一口帶少許酒香，層次感豐富。燒牛肉向日葵三文治 $85，配搭同擺盤都好用心，三文治用沾上蛋漿再烘焙，加入燒牛肉，材料新鮮且份量大件。油漬蕃茄烤吞拿魚扁意粉 $115，吞拿魚烤到剛好，食落有濃郁魚香同蕃茄鮮味，扁意粉沾滿蕃茄汁，意粉好掛汁又煙韌。