瀛舍 (已結業)

我好少會寫放題食評，因為呢個價錢，都吾會expect有咩好嘢食，但求填飽個肚，又可以食好多唔同款嘅嘢。大鴻輝(英皇)有好多食店，除左大窩口外，我食得第二多就係瀛舍，我鐘意佢地方大，同埋勁多甜品，勁似自助餐！ 一般日式放題有嘅佢有，好似火炙三文魚，花之戀。但佢比人多左啲創意壽司，好似呢粒海膽吞拿魚蓉，必食，encore數十回！佢地啲壽司都係細細件，但我發覺無論你寫幾多件，都係依人頭件數送黎，咁佢又冇漏單嘅…我覺得都好嘅，起碼不會浪費食物。 刺身新鮮，鮮甜，最緊要係賣相令我覺得夠衛生！ 炸物全部都新鮮炸起㗎！超熱辣辣！推介蔬菜天婦羅，個人覺得炸醬不厚，放題來說質素中上級！ 牛柳粒等得小食唔少得啦，有啲啲略咸。 個人心水蟹皇粥！我唔知大家去放題會唔會食呢啲，但機本上我係鐘意食乜就乜唔理咩番唔番本… 所以胡麻冷烏東我都會推介，哈哈，烏東幾彈牙，唔係cheap cheap貨仔。 到甜品時間，個甜品bar咁樣！係咪似酒店先！我都覺得太離譜喇，搞到同桌有人誤會左今日係黎食甜品… 我覺得真係好抵食，抵過樂天，又好坐過樂天。不過同樣係好難book位，walk in又機會渺茫…