🥩鐵板厚切肉眼扒
叫咗七成熟配洋蔥汁，上枱嗰陣滋滋聲真係夠晒氣氛！塊扒真係厚切㗎，切開見到粉嫩肉色，肉質軟淋又多汁，洋蔥汁甜甜哋同牛肉好夾，鐵板熱力仲keep到塊扒嘅溫度，由頭食到尾都係熱辣辣！
🍲羅宋湯
隨餐跟嘅羅宋湯材料十足，飲落好濃郁，仲有好多蔬菜喺裡面，飲完成個身暖笠笠，同鐵板扒係絕配！
🍞丹麥多士
烘得啱啱好，外層鬆化得嚟又唔會太乾，麵包本身帶點甜味，簡單好食，做餐前小食或者配湯飲都唔錯！
🥤紅豆冰
經典港式飲品，紅豆煮得夠淋又唔會太甜，奶香同紅豆比例啱啱好，飲落好順喉，同濃味嘅鐵板餐一齊食可以平衡下味道！
🍳蔥油雞扒蛋飯
雞扒煎得香脆，肉質保持嫩滑，流心太陽蛋撈埋香濃蔥油同飯一齊食，真係滋味無窮！蔥油份量恰到好處，唔會太油膩，成個組合好夾！
🐟黑椒吉列魚柳炒蛋飯
吉列魚柳外層炸得金黃脆口，裡面魚肉依然保持嫩滑，黑椒汁香濃但唔會太辣，配埋滑溜嘅炒蛋同白飯，口感同味道都好豐富！
