影片
更多
2020-08-01
412 瀏覽
得知祥華商場開E TEA茶星人，心情興奮到不得了。本來我就係天水圍店嘅fans，不過自從疫情嚴重，冇乜必要我就好少去天水圍嗰邊。粉嶺每日都係必經之路，行過路過一定會買一杯。點解咁鍾意茶星人？我估同路人應該都明白，但我都認同「好食是良知」呢句嘅，茶星人啲茶底真係好甘香濃郁，鍾意飲茶嘅真係要試試就知道我唔係吹水。茶星人有幾杯好出名嘅，例如會變色嘅水果梳打水，嗰啲咁有名嘅自己去試啦唔洗我介紹。另外水果茶系列我都好推介，呢杯係水果大爆發，入面有好幾款生果，我覺得少甜微甜都夠（但必須要講，茶星人啲嘢飲唔係好甜好甜嗰隻，所以如果你係唔介意甜嘅，唔駛走甜都得㗎！）我鍾意微甜，咁樣飲到生果酸酸地嘅味，烏龍茶底再清香啲。飲晒之後再食埋啲生果補充下纖維，唔錯唔錯～黑糖珍珠鮮奶茶，我都係揀咗走甜嘅，所以見唔到黑糖掛杯靚靚嘅效果。其實啲珍珠本身都用黑糖煮過，飲落一樣有黑糖味㗎！珍珠煙韌好好味，茶味唔會比奶味蓋住，我就比呢杯嘢滿分。出面街飲好多時候唔比你揀甜度，我都明嘅，會影響「最佳」效果丫嘛。但自己鍾意咩口味，得自己先知。永遠有得揀一定係好過冇得揀，都一年喇，難道你仲未明咩？仲有呢杯每日限定嘅芋泥鮮奶，大杯裝
得知祥華商場開E TEA茶星人，心情興奮到不得了。本來我就係天水圍店嘅fans，不過自從疫情嚴重，冇乜必要我就好少去天水圍嗰邊。粉嶺每日都係必經之路，行過路過一定會買一杯。點解咁鍾意茶星人？我估同路人應該都明白，但我都認同「好食是良知」呢句嘅，茶星人啲茶底真係好甘香濃郁，鍾意飲茶嘅真係要試試就知道我唔係吹水。
茶星人有幾杯好出名嘅，例如會變色嘅水果梳打水，嗰啲咁有名嘅自己去試啦唔洗我介紹。另外水果茶系列我都好推介，呢杯係水果大爆發，入面有好幾款生果，我覺得少甜微甜都夠（但必須要講，茶星人啲嘢飲唔係好甜好甜嗰隻，所以如果你係唔介意甜嘅，唔駛走甜都得㗎！）我鍾意微甜，咁樣飲到生果酸酸地嘅味，烏龍茶底再清香啲。飲晒之後再食埋啲生果補充下纖維，唔錯唔錯～
黑糖珍珠鮮奶茶，我都係揀咗走甜嘅，所以見唔到黑糖掛杯靚靚嘅效果。其實啲珍珠本身都用黑糖煮過，飲落一樣有黑糖味㗎！珍珠煙韌好好味，茶味唔會比奶味蓋住，我就比呢杯嘢滿分。出面街飲好多時候唔比你揀甜度，我都明嘅，會影響「最佳」效果丫嘛。但自己鍾意咩口味，得自己先知。永遠有得揀一定係好過冇得揀，都一年喇，難道你仲未明咩？
仲有呢杯每日限定嘅芋泥鮮奶，大杯裝 $38，真係物有所值，啲芋泥多過食甜品！用飲管啜講真都有啲難度嗰隻。有一次唔記得咗叫走甜，但都唔係好甜，完全食到芋泥本身嘅味道。所以點解咁鍾意茶星人，就係覺得佢哋嘅嘢都係真材實料，無添加。非常之推介大家試下！
張貼
