影片
更多
2015-09-10
2123 瀏覽
正當我煩惱預訂Hello Kitty月餅要22號才有貨之際, 我發現「瓜破」有新出月餅, 而且並非我食到驚的, 傳統雙黃蓮蓉, 好似好吸引喎訂Hello Kitty要等2星期, 還要自己親身到店取貨, 而「瓜破」有人親自送到樓下地鐵站喎!(梗係要試啦!)回到家我對SY說:「有月餅食呀! 過嚟影張相啦...」有人很不情願:「又影? 月餅都唔好食, 我扮食架咋...」傳統月餅我已經7年沒有再食, 想不到竟然連7歲仁仔, 也像我一樣「食到厭」??當我迫他吃了一口後, 囝:「嘩!係雪糕嚟架...好食! (你又話唔鍾意食月餅), E個係雪糕, 點會係月餅呀?」這款「冷菓」月餅, 阿太一見到即說:「咁似大隻仔嗰個雪糕三文治嘅?」(個Feel似...但內裡唔係雪糕, 係牛油忌廉溝吉士, 仲有生果餡, 出嚟好似雪糕, 但無雪糕咁鎅口)其實, 這種偽雪糕的溫馴感覺, 市面鬍鬚佬芭芙店都有類似, 喜愛雪糕效果的人, 就要將「冷菓」月餅放入冰格冷藏.不過, 連食雪糕都鍾意「叮」5秒的我, 就愛將「冷菓」放在雪櫃下層...滑嘟嘟的忌廉吉士, 簡直可以用飲管來享受, 又美麗又涼快. 阿太:「傻嘅先會咁食, 人人
正當我煩惱預訂Hello Kitty月餅要22號才有貨之際, 我發現「瓜破」有新出月餅, 而且並非我食到驚的, 傳統雙黃蓮蓉, 好似好吸引喎訂Hello Kitty要等2星期, 還要自己親身到店取貨, 而「瓜破」有人親自送到樓下地鐵站喎!(梗係要試啦!)
回到家我對SY說:「有月餅食呀! 過嚟影張相啦...」有人很不情願:「又影? 月餅都唔好食, 我扮食架咋...」傳統月餅我已經7年沒有再食, 想不到竟然連7歲仁仔, 也像我一樣「食到厭」??當我迫他吃了一口後, 囝:「嘩!係雪糕嚟架...好食! (你又話唔鍾意食月餅), E個係雪糕, 點會係月餅呀?」這款「冷菓」月餅, 阿太一見到即說:「咁似大隻仔嗰個雪糕三文治嘅?」(個Feel似...但內裡唔係雪糕, 係牛油忌廉溝吉士, 仲有生果餡, 出嚟好似雪糕, 但無雪糕咁鎅口)
其實, 這種偽雪糕的溫馴感覺, 市面鬍鬚佬芭芙店都有類似, 喜愛雪糕效果的人, 就要將「冷菓」月餅放入冰格冷藏.不過, 連食雪糕都鍾意「叮」5秒的我, 就愛將「冷菓」放在雪櫃下層...滑嘟嘟的忌廉吉士, 簡直可以用飲管來享受, 又美麗又涼快.
阿太:「傻嘅先會咁食, 人人食雪糕點想佢溶㗎...(車! 你理得我啫...即係有人鍾意玉澤演, 我淨係鍾意謝賢, 無理由唔得呀?!), 都唔知你講乜」每個月餅, 中央都混入了生果醬, 所以食得好健康, 「檸檬 x 柚子 x 白朱古力脆脆」, 甜甜微酸的感覺比葡萄適更加醒腦醒神.老實說, 硬食完一件, 軟腍腍用匙羹再享受一件, 兩件放入肚皮後依然未夠喉, 忌廉混吉士的味道, 簡直和謝安琪影水底仙女相一樣,十分誘惑幼滑.「瓜破冷菓月餅」四款餡料：
檸檬 x 柚子 x 白朱古力脆脆
黑加倫子 x 栗子 x 黑朱古力脆脆
抹茶 x 自家製熱情果醬
焦糖 x 粒粒蘋果
$258/盒(八件)
張貼
