Hexagon Cafe (已結業)

觀塘話多唔多食店，坦白講係算多。不過好味嘅又係咪多呢，未算。我自己都鍾意周圍試新，好食就係bonus。呢間係bonus。係一間gym內有得食，都特別，睇住人做gym然後係度食😂有度好就係會計埋營養俾你，可以睇住自己想食乜而定。朋友早到就影左餐單先，比我想像中多。幾乎一人打理，由收銀到沖咖啡到煮飯，好勁！溏心蛋煙三文魚莎莎配酸麵包，82元。朋友話唔錯，三文魚襯上酸包，都幾搭。我就食呢個蜜糖雞胸溏心蛋伴小米飯，78元。近排對蛋特別小心，出街食都盡量係熟蛋，呢個溏心蛋唔算生。雞胸煎得剛好，又唔會好「鞋」，味道都係好食。唔好睇小呢個飯，都真係飽到放工。仲用乳酪畫碟，擺盤都有心思。繼續肥威，跟餐係無折扣，40元，就咁加上。都rich，味道可以啦。朋友食慾大開，叫埋乳酪，佢食得超開心。環境都幾好，傾計都可以盡情啲。