影片
更多
2023-04-29
585 瀏覽
每次同大食細佬出街食飯一定要揀d份量大價錢平餐廳，因為一個人食2.5個人份量！！今日係元朗睇完傢俬佢又肚餓la！仲話要食多d嘢！唔使講！一定要食放題！一定食得飽！係附近搵到間和風海鮮雞煲火鍋放題～食足180分鐘！有我鍾意食嘅海鮮同佢鍾意食嘅雞煲，仲可以任食牛添！滿足哂大家選擇！入到去餐廳都闊落坐得舒服～火鍋配料、熟食、飲品(啤酒都係免費)、雪糕、甜品超過60款，數量都多選擇。有3款不同牛套餐，每個套餐都送「和風海鮮雞煲」一鍋，隨套餐可以任食牛之外，豚肉同雞肉都係任食，食完雞煲想轉湯底食火鍋+$20起，有8款湯底揀：蘿蔔豚骨濃湯、和風味噌湯、泰式冬陰功湯、潮汕沙嗲風味、木魚昆布、蕃茄薯仔豚骨濃湯、壽喜燒湯底、四川麻辣湯底🐮最後我地揀咗澳洲和牛套餐， 可以任意：澳洲和牛/牛白肉/頂級牛小排/牛肩胛，仲送咗碟牛頸脊比我地，成枱都係牛，啱哂牛魔王嚟食^^🦐先食和風海鮮雞煲，好香醬汁味，海鮮有鮑魚、鮮蝦、大蜆幾豐富，加上嫩雞，食完雞煲已經飽飽地，我地覺得雞煲湯底幾正，無再加錢換湯底繼續食火鍋la！咁多款牛最好食當然係澳洲和牛，油花分布均勻，入口溶化，醇厚口感非一般牛肉可比，切割亦顯心思，
每次同大食細佬出街食飯一定要揀d份量大價錢平餐廳，因為一個人食2.5個人份量！！今日係元朗睇完傢俬佢又肚餓la！仲話要食多d嘢！唔使講！一定要食放題！一定食得飽！係附近搵到間和風海鮮雞煲火鍋放題～食足180分鐘！有我鍾意食嘅海鮮同佢鍾意食嘅雞煲，仲可以任食牛添！滿足哂大家選擇！
入到去餐廳都闊落坐得舒服～火鍋配料、熟食、飲品(啤酒都係免費)、雪糕、甜品超過60款，數量都多選擇。有3款不同牛套餐，每個套餐都送「和風海鮮雞煲」一鍋，隨套餐可以任食牛之外，豚肉同雞肉都係任食，食完雞煲想轉湯底食火鍋+$20起，有8款湯底揀：蘿蔔豚骨濃湯、和風味噌湯、泰式冬陰功湯、潮汕沙嗲風味、木魚昆布、蕃茄薯仔豚骨濃湯、壽喜燒湯底、四川麻辣湯底
🐮最後我地揀咗澳洲和牛套餐， 可以任意：澳洲和牛/牛白肉/頂級牛小排/牛肩胛，仲送咗碟牛頸脊比我地，成枱都係牛，啱哂牛魔王嚟食^^
🦐先食和風海鮮雞煲，好香醬汁味，海鮮有鮑魚、鮮蝦、大蜆幾豐富，加上嫩雞，食完雞煲已經飽飽地，我地覺得雞煲湯底幾正，無再加錢換湯底繼續食火鍋la！
咁多款牛最好食當然係澳洲和牛，油花分布均勻，入口溶化，醇厚口感非一般牛肉可比，切割亦顯心思，厚薄適中，每塊size都幾大塊下，唔會因為係放題任食縮水同吝嗇
另外要推牛白肉，第一次見，因為唔係到到都有得食，更何況放題，含有豐富骨膠原，食放題都有美容功效～
除咗主角牛肉，豚肉都好出色，入口鬆軟多肉汁，香甜又唔肥膩，同埋都係大大塊
臨走果陣職員同我地講有個期間限定做緊，原來依家做緊優惠，逢星期日至四$1088包四位任飲任食澳洲和牛套餐，唔收加一錢，仲要無限時，勁誇張！約緊阿爸阿媽再嚟食過。另外熊本牛鍋推出全新會員獎賞計劃「會員儲印卡」，儲夠5個印章即換獎賞～
熊本牛鍋
📍地址: 元朗元朗安寧路38號世宙商場地下24號舖
📞電話: 52363638
張貼
