牛牛鮮

營業中

休息中

同班牛魔死黨殺上旺角瓊華「牛牛鮮」今次專攻佢哋個招牌潮汕牛骨清湯底 一於原汁原味挑戰最強牛肉鮮度 💪🍲 牛骨清湯真功夫金黃湯底滾起嗰陣成枱都係牛油香 飲落清甜到震 完全冇味精嘅假鮮 原來用牛筒骨+牛肋排熬足8個鐘 仲落咗少許當歸同杞子 飲完成個身暖粒粒 ❤️‍🔥🐂 手切鮮牛表演時間• 頂級吊龍：脂肪花紋靚到似藝術品 滾6秒就食 嫩滑得嚟帶少少嚼勁• 匙仁皇牌：每塊都切到啱啱好 肉汁被清湯逼出嚟 鮮味爆燈• 稀有牛朴肉：成枱尖叫嘅部位 油花均勻到好似雪花 入口即溶唔講笑• 牛胸油爽：阿姐推介嘅隱藏menu 爽脆口感仲正過豬頸肉🥢 神級食法秘笈1. 先飲碗清湯暖胃2. 牛肉唔好一次過落 逐片淥先keep到水溫3. 必試自家製沙茶醬+炸蒜+芹菜粒嘅組合4. 最後落個華豐麵索盡湯底精華🍽️ 其他驚喜位• 蔬菜區竟然有新鮮西洋菜同唐生菜 打邊爐最正配搭• 飲品櫃有竹蔗茅根水 清熱解膩一流• 阿姐換碟超快手 仲主動過嚟教點淥牛肉最正💰 性價比爆錶🔥晚市$298任食高質手切牛 計返條數食4碟吊龍已經回本 仲有牛柏葉同牛筋丸任叫 牛魔王們真係要mark實💁🏻‍♀️仲有飲品櫃及雪糕櫃🍦俾大家食埋甜品嚟個goo