永星冰室

營業中

休息中

個個放工weekend黎到呢頭，通常只有一個目的，就係黎買生果。我就係黎行五金鋪執下有咩整下間屋，點知呢邊開左間冰室，就試試佢。間鋪都坐到二十幾人，小小逼但可以接受。選擇係多，仲有西式俾你揀。點完餐，先上飲品，我嘅奶茶，幾好，茶底都可以，我望人地杯凍奶茶嘅色好似泰式奶茶，偏橙啲。朋友點嘅凍檸茶同凍菜蜜，另加2元，正常。永星秘制沙爹牛肉米，45元，朋友話ok。香蒜海鮮意粉，50元，朋友話味道同配料都夠，不過就乾過頭，如果有番啲汁會好啲。卡邦尼魚柳長通粉，58元，魚柳係即整，勁脆，而且勁大舊。有啲芝士拉下絲幾正，味道都唔錯。環境都幾好，油麻地黎講係幾正。