Pause It

【油尖旺區】【Pause It】喺旺角搵嘢食，見到之前有朋友介紹過嘅一間餐廳。佢哋砲台山嘅分店都唔錯，之前旺角都好似有另一間，但係已結業。咁今次行經過而又肚餓，就入去食吓啦。首先叫咗 $42 嘅「香橙朱古力咖啡」，補多 $6 加大，味道冇想像中咁好，好似甜啲會過癮啲。

主食方面，我揀咗 $198 嘅「咖啡烤安格斯封門柳配阿根廷青醬」，佢嘅肉係慢烤安格斯封門柳，配以香濃黑醋咖啡醬，好似係用啲咖啡渣做嘅，幾特別。肉質都算鮮嫩，點埋阿根廷青醬就帶多啲回甘，幾好。不過就唔係話有咖啡味咁囉，呢個係要留意返。

喺嗰個環境之下食完飯，咖啡癮又起。正話叫嗰杯麻麻地，就穩穩陣陣叫返 $40 嘅「澳式鮮奶咖啡」，今次呢杯都有加 $6 加大，對佢哋有信心。結果出到嚟效果都真係唔錯，幾好飲，奶香亦都好配合啲咖啡。埋單 $292 唔平，不過勝在夠 chill，可以接受嘅。。。

（地址：旺角奶路臣街17號THE FOREST地下G11號舖）

2

10

19