影片
更多
2025-07-06
605 瀏覽
【沙田區】【新合發飯店】難得因為自己有啲事，召喚到一班中學時期嘅好兄弟出嚟陪我食飯吹水。不過佢哋食咗飯㗎喇，所以主要得我一個食，佢哋食少少，陪我坐吓，傾吓偈咁。呢個世界真係「登泰山而小天下」，實踐同理論上嘅知識真係有助人去理解整件事。不過算喇，冇乜用。我知，你知，世人唔知，講經咩。不如專心啲睇吓呢餐食乜，填吓個肚好過啦。叫咗個 $338 嘅「肥牛什錦窩」，送嘅自選鍋底就揀咗沙嗲湯底，大家啱食啲。出到嚟啲嘢都算多，牛肉有一堆，裏面仲有丸類、海鮮等，仲有鵝腸等內臟類，都算有誠意嘅配搭。然後加 $40 叫多碟「娃娃菜」食吓，索吓沙嗲汁都係唔錯嘅。最重要都係嘢飲，「藍妹」五枝，呢度都成 $200，即係四草嘢一枝，都係圖個開心。最緊要係我都有個渠道去講出我自己嘅睇法，同埋佢哋算係比較熟悉我嘅朋友。埋單 $578，呢度就唔評論喇。。。（地址：大圍積福街18-20號地舖）
我知，你知，世人唔知，講經咩。不如專心啲睇吓呢餐食乜，填吓個肚好過啦。叫咗個 $338 嘅「肥牛什錦窩」，送嘅自選鍋底就揀咗沙嗲湯底，大家啱食啲。出到嚟啲嘢都算多，牛肉有一堆，裏面仲有丸類、海鮮等，仲有鵝腸等內臟類，都算有誠意嘅配搭。
然後加 $40 叫多碟「娃娃菜」食吓，索吓沙嗲汁都係唔錯嘅。最重要都係嘢飲，「藍妹」五枝，呢度都成 $200，即係四草嘢一枝，都係圖個開心。最緊要係我都有個渠道去講出我自己嘅睇法，同埋佢哋算係比較熟悉我嘅朋友。埋單 $578，呢度就唔評論喇。。。
（地址：大圍積福街18-20號地舖）
張貼
