麻布茶房 (已結業)

本來見出面啲displace幾靚，應該無伏，咪入去試下囉。點知間野唔知係唔夠人手定咩，啲野食黎得超級慢，我地杯野飲催左兩次，野都食晒，正想開口催第三次個時先黎。右邊隔離枱對男女，催左三次都唔黎，左邊著suit一個人個位姨姨，都催左杯咖啡好幾次，同啲waiter講過趕時間，先至拎杯野飲黎。okay fine，都算，食野要等要催間間餐廳都會有。點知人手問題慢延到埋單都出事，我地趕住走，見到銀碼比完錢就走，走個時個waiter又隊多兩張單黎想比我地，仲要兩張都唔係我地頭先比個張，我地講左句「比左啦」咁佢就無理照比我地走左啦。事後越諗越唔對路，我地埋個張單應該唔係我地食個張，因為條數點計都唔岩。到底係乜野餐廳黎，由坐低個刻開始已經極度混亂，野食質素同茶記無分別我都唔想講啦，黎野食番得慢，埋單亂七八糟，呢啲係乜野服乜野管理黎？唔會再試，亦都會同朋友講番情況，希望呢間開左無耐既餐廳可以檢討下。