影片
更多
2023-08-23
82 瀏覽
🌟蒜香芝士薄燒牛肉呢個係廚師推介嘅其中一項，老實講佢睇落唔係話好吸引，但食落好有驚喜。薄燒牛嘅牛肉味出奇地濃，食落都非常香口，叫完第一轉都即時叫多轉。.🌟刺身刺身基本上都好新鮮，特別推介大赤蝦，蝦肉好甜好大隻，一啖咬落超滿足！.🌟手卷及壽司大推手卷，佢一共有三款分別係香蔥吞拿魚、蟹膏同海膽手卷，每個手卷份量唔算多，味道都好唔錯。壽司我主推鹽燒左口魚邊壽司，好香好好味，簡直係燒到入口即溶嘅地步！.🌟燒物燒物基本上全部都即叫即燒，新鮮滾熱辣好好食。呢度好特別嘅地方係佢有燒生蠔，基本上香港係好少見到放題有提供呢一樣食物，另外仲有燒鰻魚、羊鞍、牛舌同雞翼等等，全部都燒得啱啱好，調味都掌握得好好。.🌟自助食物吧出面有個自助吧提供前菜，例如泡菜、中華沙律等等超過10款嘅漬物都有齊。最特別嘅地方係佢仲可以飲凍蝦同埋蜆，作為蜆終極愛好者真係兩眼發光，仲要佢唔係嗰種沙白好細粒嗰啲而係每一粒都好肥美，真正幫我實現蜆自由😍.🌟自助飲品吧基本上一般放題提供到嘅飲品都有齊晒，包括各種茶類啊，汽水等。最令人意外嘅係佢仲有酒精飲品放題包括有啤酒梅酒同清酒，清酒佢仲有已經暖好咗嘅比大家享用，聞落好香而且易入口。.🔸整
🌟蒜香芝士薄燒牛肉
呢個係廚師推介嘅其中一項，老實講佢睇落唔係話好吸引，但食落好有驚喜。薄燒牛嘅牛肉味出奇地濃，食落都非常香口，叫完第一轉都即時叫多轉。
.
🌟刺身
刺身基本上都好新鮮，特別推介大赤蝦，蝦肉好甜好大隻，一啖咬落超滿足！
.
🌟手卷及壽司
大推手卷，佢一共有三款分別係香蔥吞拿魚、蟹膏同海膽手卷，每個手卷份量唔算多，味道都好唔錯。壽司我主推鹽燒左口魚邊壽司，好香好好味，簡直係燒到入口即溶嘅地步！
.
🌟燒物
燒物基本上全部都即叫即燒，新鮮滾熱辣好好食。呢度好特別嘅地方係佢有燒生蠔，基本上香港係好少見到放題有提供呢一樣食物，另外仲有燒鰻魚、羊鞍、牛舌同雞翼等等，全部都燒得啱啱好，調味都掌握得好好。
.
🌟自助食物吧
出面有個自助吧提供前菜，例如泡菜、中華沙律等等超過10款嘅漬物都有齊。最特別嘅地方係佢仲可以飲凍蝦同埋蜆，作為蜆終極愛好者真係兩眼發光，仲要佢唔係嗰種沙白好細粒嗰啲而係每一粒都好肥美，真正幫我實現蜆自由😍
.
🌟自助飲品吧
基本上一般放題提供到嘅飲品都有齊晒，包括各種茶類啊，汽水等。最令人意外嘅係佢仲有酒精飲品放題包括有啤酒梅酒同清酒，清酒佢仲有已經暖好咗嘅比大家享用，聞落好香而且易入口。
.
🔸整體評價🔸
其實菜式都算多，仲有好多款因為怕食唔曬都未試例如貓山王榴槤炸彈、花膠、麻辣小龍蝦等等，要下次叫多啲朋友過嚟食先得！
張貼
