無肉食 (洗衣街)

營業中

休息中

繼成日係大角咀食個間素食，突然朋友ad hoc話見個面，旺角大多數都食過，加上我胃口麻麻，今次揀左呢間係洗衣機一棟幾靚嘅大廈食自助餐啦。先俾錢後入座，原來係初一，特別多人，差啲以為無位座。中間就係夾嘢食，選擇都幾多，一樣有是日中湯同糖水，亦有飯同意粉。甜品生果都有齊，熟食都多，有啲都幾有特色。炸物勁多種類，亦係最多人圍住嘅area，算係keep到，但就凍左小小，已經無咁脆。唔同種類都攞下，仲有蘿蔔糕。味道大致一般，不過要讚下甜品係好好味，真係要試，芝士味都濃，無hea嘅。自己碗碟自己執，推動大家一齊幫手。