旺角呢間新開嘅「牛牛鮮」火鍋放題，簡直抵食到尖叫！由潮汕師傅坐鎮明檔即切牛肉，多款刁鑽部位任點，再加過百款火鍋料、手作小食，連啤酒汽水紅白酒都任斟，150分鐘喪食唔嬲，性價比爆燈！
一坐低就畀個「牛肉圈圍爐」震撼到！仲附送淥肉時間表，新手都變食家～
🥩五花趾：牛後腿隱藏版部位，筋絡分明咬落啖啖肉香，食肉獸必搶！
🥩吊龍：牛脊精華位，脂肪似雪花咁靚，淥10秒即化，牛油甘香纏住舌尖～
🥩匙柄：肩胛翼板肉睇見大理石紋，嫩得嚟帶微微韌勁，咬落肉汁大爆發！
🥩雪花：油脂最豐腴，蘸潮汕靈魂沙茶醬，鮮甜滑溜食極唔滯！
🥩牛胸油：睇落白雪雪似肥膏，淥30秒捲曲就變爽脆驚喜，食落似牛脂版豬耳，香氣炸開零油膩！
🦐海鮮拼盤每位送：鮑魚、桶蠔、海蝦、沙白，樣樣新鮮到識發光！鮑魚彈牙到跳舞，桶蠔脹卜卜一咬噴汁，海蝦仲識彎腰睇見都生猛～
尾聲自選雪糕櫃有Mega crunch、Monaka。食到捧住個肚走都仲想encore！
1
2
