環境有種懷舊既氣息🫶🏻
放有特色既海報、相片、擺設～～
最令我深刻既係有類似學校既凳🪑
好似返左學生時代🙈好青春啊😝❤️🔥
呢度有唔少食物既款式都係自家製😙
包括酥皮Pizza、意粉等等～好有特色😳！！
仲有呢度出名食窩夫🧇所以我地都點左黎試吓！
❥ 自家製煙豬腩卡邦尼曲曲意粉 $112
第一次食曲曲意粉🍝💕好特別！
卡邦尼醬汁香濃✨配上鹹鹹香香既煙豬腩味道🥓
撈埋生雞蛋汁🥚同埋大量芝士粉🧀
Creamy又好食😋
❥ 焦糖洋蔥黑召牛柳粒酥皮薄餅 $188
完全係視覺同味覺既享受！
Pizza酥皮好香脆，要趁熱食🔥
面頭既牛柳粒好鮮嫩，份量多又夠大件，啖啖肉🤩
搭配焦糖洋蔥既甜味，味道層次豐富，好好食🍖
❥ 叄重朱古力麻糬窩夫配朱古力雪糕 $84
啱晒朱古力控😍🍫
窩夫即叫即製，食落外脆內鬆軟，好夠熱度❤️🔥🧇
加埋煙煙韌韌既麻糬同濃郁既朱古力雪糕🍦
甜而不膩，食落好滿足呢🫶🏻✨
❥ 芒果手搖冰茶 $48
清新又解渴，芒果既香甜味道融入茶中🥭
飲落去特別舒服，好消暑！🍹
❥ 抹茶奶蓋椰子水 $52
超有特色既飲品💚（暫時未喺其他餐廳/cafe飲過呢😙）
整體帶有濃郁既抹茶香氣🍵
搭配椰子水既清甜，飲落去滑順爽口🥥🌴
