新南苑私房菜 (已結業)

每次同朋友諗食咩都好頭痕，樣樣都想食，所以多數食日本菜，大家都鍾意食刺身，但近排天氣凍又想食火鍋，咁朋友又話想食埋雞煲，最後去咗一間「刺身+海鮮+雞煲+火鍋」集一身放題，食足180分鐘！食到個肚漲住走～店舖勁多Figure，鍾意Marvel 嘅我都觀賞咗好耐一坐低已經有4小碟前菜，連鳳爪都有，之後再送碟蝦多士，飲品櫃種類多，另有自制冷泡茶/水果茶/五花茶，任食3.6北海道牛乳奶凍海鮮餐包括刺身拼盤，揀選時令刺身，今次我嘅刺身船有：三文魚、甜蝦、帶子、油廿魚、螺片、希靈魚、北寄貝。全部都好新鮮鮮甜，咁多種類食完都飽咗一半！揀咗招牌麻辣雞煲食，夠辣夠惹味！雞肉嫩滑，冬天食雞煲真係好正！食完雞煲換個煲底再食火鍋，揀咗蟲草花椰子花膠湯底，清得嚟夠補。跟餐再送本地手切牛頭脊、蔬菜拼盤、及時令海鮮拼盤(每位5款)有：鮑魚、龍蝦、魚、聖子、生蠔，真係好誇！食極都有咁！由於太飽關係，任食配料我係未嗌過，唔想浪費食物，基本上跟餐送嘅食物同份量已經好飽！總結一下：極度推介三心兩意咩都想食嘅朋友仔去食，因為真係可以一次過滿足好幾個願望，又有得任食，時間又長，大食d絕對回到本！新南苑私房菜📍地址: 尖沙咀寶勒