今次試咗好多款串燒，款款都唔錯㗎。必食推介「鹽燒牛舌心」，咬落去超爽口，又唔會韌，鹽燒味道簡單但好突出牛舌嘅香味。「鹽燒雞中翼」外皮燒到脆卜卜，入面嘅肉仲保持到嫩滑多汁，好正！另外「鹽燒和牛牛小排」都係心水之一，油脂分布好靚，入口即化，牛味好濃。
海鮮方面，「蒜蓉燒蠔」大大隻，蒜蓉鋪到滿滿，好香口。仲有「山椒鰻魚汁白鮭」，魚肉燒得啱啱好，皮脆肉滑，加上鰻魚汁同山椒嘅微辣，好惹味。
特別要讚下佢哋嘅「明太子忌廉烏冬」，醬汁超級Creamy，每條烏冬都掛滿明太子忌廉，食落去好滿足，係邪惡但好難抗拒！「咖喱牛舌手抓餅」都係驚喜之作，手抓餅整到好酥脆，入面嘅咖喱牛舌餡料香濃，口感好豐富。
飲品方面，「荔枝椊檬梳打」同「手打檸檬菜」都好清新，尤其係食完濃味串燒之後飲，特別解渴。
