影片
更多
2023-03-08
49 瀏覽
成間餐廳由門口開始就已經好似返咗70年代嘅香港，門口有大大個霓虹燈同人力車，仲有好多懷舊壁畫同擺設。一入到去店員就已經好熱情地帶位，一坐底會用熱水幫我地洗乾淨啲碗碟，服務態度認真好👍🏽 之後就遞上醬料俾我地再向我地推介今日menu有咩優惠。今次個湯底我地叫咗個期間限定～胡椒豬肚少爺雞湯。 隻雞係用無激素雞，個湯底飲落唔會好重味精味，飲得出係用咗真材實料去煲😋 胡椒味都重飲完暖粒粒，而且雞肉好嫩滑、豬肚都洗得好乾淨、冇腥味！店員同我地推介 「賣魚勝海鮮拼盤」，拼盤有4隻鮑魚、2隻聖子、6隻蝦。個賣相好吸引，而且啲海鮮都好新鮮，全部嚟到都仲識郁嘅😂 安格斯牛肉🥩牛肉雪花好靚，肥瘦均勻，好香牛肉味！墨魚滑豆卜& 娃娃菜墨魚滑爽口配上豆卜，豆卜吸晒湯底嘅精華，好正! 飲品我地叫咗支青島，不得不讚下支青島雪到好冰凍，仲有隻戰鬥碗都係雪咗，飲啤酒一定要夠凍先好飲😊甜品：啫喱+懷舊糖不甩啫喱仲要配埋花奶，真係好懷舊嘅食法，細個成日都食，已經好耐無食過🥹 懷舊糖不甩：糯米整到成條鯉魚嘅形狀，最特別佢係雪到凍咗，要放落邊爐鍋度煮返淋佢，之後店員會將煮淋咗嘅糯米剪開再撈上花生碎。本身以為又咸又甜味道會好奇
一入到去店員就已經好熱情地帶位，一坐底
會用熱水幫我地洗乾淨啲碗碟，服務態度認真好👍🏽 之後就遞上醬料俾我地再向我地推介今日menu有咩優惠。
今次個湯底我地叫咗個期間限定～胡椒豬肚少爺雞湯。 隻雞係用無激素雞，個湯底飲落唔會好重味精味，飲得出係用咗真材實料去煲😋 胡椒味都重飲完暖粒粒，而且雞肉好嫩滑、豬肚都洗得好乾淨、冇腥味！
店員同我地推介 「賣魚勝海鮮拼盤」，拼盤有4隻鮑魚、2隻聖子、6隻蝦。個賣相好吸引，而且啲海鮮都好新鮮，全部嚟到都仲識郁嘅😂
安格斯牛肉🥩
牛肉雪花好靚，肥瘦均勻，好香牛肉味！
墨魚滑豆卜& 娃娃菜
墨魚滑爽口配上豆卜，豆卜吸晒湯底嘅精華，好正!
飲品我地叫咗支青島，不得不讚下支青島雪到好冰凍，仲有隻戰鬥碗都係雪咗，飲啤酒一定要夠凍先好飲😊
甜品：啫喱+懷舊糖不甩
啫喱仲要配埋花奶，真係好懷舊嘅食法，細個成日都食，已經好耐無食過🥹
懷舊糖不甩：糯米整到成條鯉魚嘅形狀，最特別佢係雪到凍咗，要放落邊爐鍋度煮返淋佢，之後店員會將煮淋咗嘅糯米剪開再撈上花生碎。本身以為又咸又甜味道會好奇怪，但意想不到地好好食😋😋
果日在場仲有人生日，餐廳會播生日歌同埋會有抽獎，氣氛好好。食物有水準，服務態度好，而且可以聽住好多懷舊老歌打邊爐，又係另一番風味，真係值得嚟試😋
張貼
