影片
更多
2021-06-07
268 瀏覽
尖沙咀人氣韓燒+料理放題高麗軒韓國料理一向出名性價比高，平時食韓燒一碟最少都要百幾蚊，但呢度用好抵嘅價錢，可以享用到每碟高質素嘅食物，而且仲係放題添。最近高麗軒喺港島北角果邊開咗新店。新張期間全單9折，每人另加$68可以任食到加拿大prime 雪花牛/3A雪花牛丶帆立貝丶澳洲新鮮帶子丶法式羊架丶紅炆牛肋骨等，簡直係港島區人士福音。呢度用QR code去點菜，方便簡單快捷，值得一讚嘅係呢度上菜速度精準迅速，店員又殷勤快捷。加拿大Prime雪花牛/ 3A雪花牛見到雪花牛啲雪花已經好吸引，脂肪紋理細緻均勻，色澤紅潤，賣相一流，睇見都好想食。燒出黎果然無失望，油脂出晒嚟，食落好有油脂香，爽滑有肉汁。澳洲新鮮帶子嚟到梗係要試吓新鮮海鮮，呢度帶子望落好豐滿，食落鮮味彈牙，十分juicy，由於好好味嘅關係，所以呢個食左兩個回合 。帆立貝帆立貝係原殻上，證明夠新鮮，帆立貝上面仲配埋蒜蓉，燒完之後更加提鮮，食落好鮮甜，口感彈牙。法式羊架已經醃好咗嘅羊架，放上去燒嘅時候已經聞到好香，將外層燒到帶半焦，食落肉嫩多汁，羊香十足。韓式生牛肉生牛肉用上牛柳部位，手切成絲，另外有爽甜嘅水梨絲丶青瓜絲丶芝麻等作配料，
尖沙咀人氣韓燒+料理放題高麗軒韓國料理一向出名性價比高，平時食韓燒一碟最少都要百幾蚊，但呢度用好抵嘅價錢，可以享用到每碟高質素嘅食物，而且仲係放題添。最近高麗軒喺港島北角果邊開咗新店。
新張期間全單9折，每人另加$68可以任食到加拿大prime 雪花牛/3A雪花牛丶帆立貝丶澳洲新鮮帶子丶法式羊架丶紅炆牛肋骨等，簡直係港島區人士福音。
呢度用QR code去點菜，方便簡單快捷，值得一讚嘅係呢度上菜速度精準迅速，店員又殷勤快捷。
加拿大Prime雪花牛/ 3A雪花牛
見到雪花牛啲雪花已經好吸引，脂肪紋理細緻均勻，色澤紅潤，賣相一流，睇見都好想食。燒出黎果然無失望，油脂出晒嚟，食落好有油脂香，爽滑有肉汁。
澳洲新鮮帶子
嚟到梗係要試吓新鮮海鮮，呢度帶子望落好豐滿，食落鮮味彈牙，十分juicy，由於好好味嘅關係，所以呢個食左兩個回合 。
帆立貝
帆立貝係原殻上，證明夠新鮮，帆立貝上面仲配埋蒜蓉，燒完之後更加提鮮，食落好鮮甜，口感彈牙。
法式羊架
已經醃好咗嘅羊架，放上去燒嘅時候已經聞到好香，將外層燒到帶半焦，食落肉嫩多汁，羊香十足。
韓式生牛肉
生牛肉用上牛柳部位，手切成絲，另外有爽甜嘅水梨絲丶青瓜絲丶芝麻等作配料，加上生雞蛋攪勻嚟食，食落更加香滑，更易入口，生牛肉肉味濃郁，鮮嫩可口，咬落好有纖維感，而牛肉一啲腥味都無，鍾意食生牛肉嘅朋友呢個菜色可以一試。
人蔘雞湯
呢度湯品都多選擇，而我就點左去韓國餐廳必點嘅人蔘雞湯，湯底清清地，好有人蔘味，另有一塊大雞肉，啖啖肉，足料唔兒戲。
生菜及韓國麵豉醬
鍾意食肉嘅我，呢餐真係試足唔同嘅牛肉同豬肉，牛肉配埋生菜同麵豉醬一齊食，唔會好油膩，感覺好fresh。
甜品啫喱
食到最後店員會上甜品，甜品係Classic 羅拔臣啫喱，綠色啫喱加上煉奶，係童年回憶嘅口味，食完甜品真係大滿足，為今餐畫上完美句號。
總括來講，呢間每樣肉類丶海鮮丶熟食丶前菜都好高質素，店員都好有禮貌，會同客人傾吓計交流下咁，係一間好有心做嘅餐廳，大家不妨去試試。
張貼
