泰仔

營業中

休息中

今日去咗尖沙咀一間叫「泰仔」嘅泰國餐廳食晚餐，餐廳最近新開張， 由泰國人主理，侍應同廚師都係泰國人，而環境由裝修到音樂都充滿泰國特色，牆紙貼滿泰國嘅電影海報。🍊 泰式雜錦海鮮煎非常推薦大家試呢款招牌菜，外貌好似奄列煎蛋，食落好似台式蚵仔煎，但係用料非常豐富，幾乎每一啖都食到海鮮，將魷魚、蠔、蝦、蛋漿、芽菜、青蔥等材料加入沾粉再煎，粉嘅比例唔多，每一啖都口感豐富，單獨食或配上酸甜醬都好正🍊 泰式炸海鮮春卷充滿誠意嘅炸春卷，春卷入面嘅餡料唔係出面餐廳食到嘅豬肉加蔬菜餡，而係用咗切成一粒粒嘅海鮮做餡料，咬落去會有蝦肉同魷魚嘅爽彈、芽菜同配料嘅爽脆、炸春卷皮嘅香酥🍊 泰仔船麵配和牛船麵用咗嘅牛骨湯做湯底，加入炸蒜、香蔥、香茅等泰式香料調味，味道濃郁而帶點清香，麵用咗幼嘅金邊粉，可以吸收晒湯底嘅精華；配料有和牛片同豬肉丸，和牛片嘅口感結實，食落去有濃郁嘅牛肉味道，豬肉丸嘅口感彈牙🍊 泰式蝦炒金邊粉呢款pad thai有泰國街頭食到嘅味道，炒粉嘅調味好傳統，唔似其他泰國餐廳為咗迎合香港人嘅口味而調得太甜，配有青檸、泰式辣椒粉同花生粒作額外嘅調味；金邊粉嘅口感炒到好煙靭，唔會炒得太油，兩隻蝦都煎得好