影片
更多
2015-05-20
5236 瀏覽
驚喜:::::: 以為「利苑」會好貴 但原本又唔算啵！香港呢個時勢，就算係去啲服務超差，阿姐10問9唔應 + 周地垃圾環境嘈雜嘅Cheap Cheap酒樓，都唔會平得去邊。對住班毫不醒水的樓面，分分鐘貼錢買難受！而家話晒都係母親大人生日嘅開心時刻，俾貴少少，就買到優質嘅食物、環境同服務，一年一次又何樂而不為呢？今次幫襯利苑apm分店，叫嘅係「$1088燉品海鮮餐」，全包7餸1湯1甜品 + 茶介，雖然個餐For 4位用，但我哋5個人去食飽得剛剛好!! 除返開,計埋加一大概係 $240一個人，食物如此美味，絕對收貨。 ▼ …上菜順序… ▼ 1. 鹵水豆腐 (小食)：鹵水入味，不是粗糙而是滑一滑的豆腐，花生軟身，有香濃的鹵水味，正! 2. 天麻燉魚皇湯 (1埕)：好好飲*v*！睇湯渣就知真材實料，5個人各飲完一碗都仲有湯剩! 3. 椒鹽雞軟骨 (小食)：香、脆、炸粉薄身，軟骨亦唔會炸到乾硬化!!食食食! 4. 醬油脆皮雞 (半隻)：皮脆肉嫩Juicy，夾雜適當肥位的油脂，齒頰留香 5. 玉帶子如意百合：帶子大大粒，數量亦唔少，連啲荷蘭豆都好美味，真係好想向大廚請教一下！ 6. 清蒸海石斑：母
驚喜:::::: 以為「利苑」會好貴 但原本又唔算啵！
香港呢個時勢，就算係去啲服務超差，阿姐10問9唔應 + 周地垃圾環境嘈雜嘅Cheap Cheap酒樓，都唔會平得去邊。對住班毫不醒水的樓面，分分鐘貼錢買難受！
而家話晒都係母親大人生日嘅開心時刻，俾貴少少，就買到優質嘅食物、環境同服務，一年一次又何樂而不為呢？今次幫襯利苑apm分店，叫嘅係「$1088燉品海鮮餐」，全包7餸1湯1甜品 + 茶介，雖然個餐For 4位用，但我哋5個人去食飽得剛剛好!! 除返開,計埋加一大概係 $240一個人，食物如此美味，絕對收貨。
▼ …上菜順序… ▼
1. 鹵水豆腐 (小食)：鹵水入味，不是粗糙而是滑一滑的豆腐，花生軟身，有香濃的鹵水味，正!
2. 天麻燉魚皇湯 (1埕)：好好飲*v*！睇湯渣就知真材實料，5個人各飲完一碗都仲有湯剩!
3. 椒鹽雞軟骨 (小食)：香、脆、炸粉薄身，軟骨亦唔會炸到乾硬化!!食食食!
4. 醬油脆皮雞 (半隻)：皮脆肉嫩Juicy，夾雜適當肥位的油脂，齒頰留香
5. 玉帶子如意百合：帶子大大粒，數量亦唔少，連啲荷蘭豆都好美味，真係好想向大廚請教一下！
6. 清蒸海石斑：母親大人唯一不滿的菜色，佢話條魚唔新鮮，應該煮之前就氣數已盡，甚是可惜。
7. 濃湯泡青蔬：最普通的一味，菜顏色是省鏡同鮮甜的。但食顆菜時，你係唔會食到濃湯個味的, 除非你淨飲裡面啲湯,而我亦飲咗唔少,相信係魚湯嘅朋友.
8. 龍蝦湯泡飯：好味，但唔好expect有好濃郁的龍蝦味. 相比起濃郁, 我prefer用清香形容會比較貼切. 米飯之中亦混合了脆米, 多了一重口感.
9. 香芋西米露：從未食過入口即溶的芋頭，集甜、香於一身，與西米露完美融合，好想encoure.
▼ …服務 + 環境優質 專人服侍… ▼假假地都係米芝蓮高級食府，環境同服務唔會差得去邊。男友一星期前已訂好位，仲落埋叫咩餐。星期日晚7:30準時到達立即入座，枱面已經預備好預先落咗咩
餐嘅菜單，阿媽一坐低就睇到有咩食。有專人負責我哋嗰枱，有需要幫忙時梗會在你左近。而上湯、泡飯 +
糖水時亦會幫你分好一碗碗。一家人只管舒舒服服談天和品嘗美食就可以，完全不用費心。
▼... 後記 ...▼
原本想再嗌甜品的，睇睇甜品List其實也不貴. 但見大家也捧著肚子了，惟有作罷。最想試嘅當然係「陽枝甘露」，因為正正係由利苑酒家所創，追源溯始，下回一定要試試。
張貼
