影片
更多
2025-05-06
41 瀏覽
呢間喺PopFood一樓嘅潮汕菜館真係有驚喜！裝修幾有風味一坐低就送上潮汕傳統「肚臍餅」🍪，第一次食，紅薯皮包住紅糖餡，配埋功夫茶🍵，有種去咗潮汕嘅感覺～我哋叫咗個家常風味雙人餐，份量好夠飽，幾道菜上菜速度都好快，唔使驚耽誤lunch hour時間。雞汁普寧炸豆乾外脆內嫩✨，豆香超濃！炒白菜用豆醬調味🥬，鹹鹹哋帶出菜嘅鮮甜，完全冇味精嘅口渴感。香煎金䱽魚🐟真係不得了！魚皮脆卜卜，魚肉嫩得嚟唔會散，鮮味爆棚💥 套餐有個鹵水拼盤，包左金獎滷水鵝🏆滷得超入味，鵝肉肥瘦均勻，食落仲有肉汁滲出嚟～最驚喜係蠔仔泡飯🦪！上枱已經見到蠔仔多到滿瀉😱 仲要好貼心用蠟燭座保温🕯️，就算食完其他餸先食都仲係熱辣辣～湯底清甜，飯粒吸晒海鮮精華，正到爆👍兩個人食份量夠晒，如果三個人加多個蠔仔餅就perfect喇！服務仲要好細心，有種去咗潮汕本地食飯嘅感覺～ 呢度嘅菜式傳統得嚟又有心思，鍾意潮汕菜嘅朋友一定要試吓！✨ 晚市最好訂位✨ 一定要試招牌滷水鵝✨ 蠔仔系列可以放心點✨ 留肚食埋個肚臍餅
一坐低就送上潮汕傳統「肚臍餅」🍪，第一次食，紅薯皮包住紅糖餡，配埋功夫茶🍵，有種去咗潮汕嘅感覺～
我哋叫咗個家常風味雙人餐，份量好夠飽，幾道菜上菜速度都好快，唔使驚耽誤lunch hour時間。
雞汁普寧炸豆乾外脆內嫩✨，豆香超濃！
炒白菜用豆醬調味🥬，鹹鹹哋帶出菜嘅鮮甜，完全冇味精嘅口渴感。
香煎金䱽魚🐟真係不得了！魚皮脆卜卜，魚肉嫩得嚟唔會散，鮮味爆棚💥
套餐有個鹵水拼盤，包左金獎滷水鵝🏆滷得超入味，鵝肉肥瘦均勻，食落仲有肉汁滲出嚟～
最驚喜係蠔仔泡飯🦪！上枱已經見到蠔仔多到滿瀉😱 仲要好貼心用蠟燭座保温🕯️，就算食完其他餸先食都仲係熱辣辣～湯底清甜，飯粒吸晒海鮮精華，正到爆👍
兩個人食份量夠晒，如果三個人加多個蠔仔餅就perfect喇！服務仲要好細心，有種去咗潮汕本地食飯嘅感覺～ 呢度嘅菜式傳統得嚟又有心思，鍾意潮汕菜嘅朋友一定要試吓！
[小貼士]
✨ 晚市最好訂位
✨ 一定要試招牌滷水鵝
✨ 蠔仔系列可以放心點
✨ 留肚食埋個肚臍餅
張貼
