影片
更多
2023-01-03
902 瀏覽
呢間真係實力﹑打卡兼備的coffee shop其實呢間外表亮麗既coffee shop 我都經過唔少次，但一直都冇試因我潛意識認為呢類既coffee shop 都係飲下野，食下輕食為主唔知點解新一年突然有動力去睇下佢有咩食，而又俾我睇到原來佢有lunch 食重點係，佢D野幾好食! 睇得出廚師既誠意，不得不推薦一下!想講少少關於佢個名，叫「coffee or tea 」第一次遠睇， 以為係「coffee % tea 」，因為佢將個「O」同「R」代替左兩個「0」所以遠睇就會似%的感覺，幾有趣店既裝潢用了白﹑灰﹑啡為主色調既時尚設計門口既左﹑右手面放了兩棵高身既綠色植物做點綴場內既擺設比較簡潔有一個角位既牆身掛左數十張既黑白香港街景postcard店既門口放了一張bench，再加上兩張小圓形既金色鐵片做枱，岩晒喜歡係室外飲下coffee 既食客休息﹑坐下店內對街景的位是一條可坐6人的bar 枱其他就主要為2人枱或4人枱，估計場內可坐約30人講返MENU，除左有一般coffee shop賣既coffee drinks 同一些甜點，佢仲有早餐同飽肚既lunch早餐去到早上11點供應完，其他食物就
呢間真係實力﹑打卡兼備的coffee shop其實呢間外表亮麗既coffee shop 我都經過唔少次，但一直都冇試
因我潛意識認為呢類既coffee shop 都係飲下野，食下輕食為主
唔知點解新一年突然有動力去睇下佢有咩食，而又俾我睇到原來佢有lunch 食
重點係，佢D野幾好食! 睇得出廚師既誠意，不得不推薦一下!
想講少少關於佢個名，叫「coffee or tea 」
第一次遠睇， 以為係「coffee % tea 」，因為佢將個「O」同「R」代替左兩個「0」
所以遠睇就會似%的感覺，幾有趣
店既裝潢用了白﹑灰﹑啡為主色調既時尚設計
門口既左﹑右手面放了兩棵高身既綠色植物做點綴
場內既擺設比較簡潔
有一個角位既牆身掛左數十張既黑白香港街景postcard
店既門口放了一張bench，再加上兩張小圓形既金色鐵片做枱，岩晒喜歡係室外飲下coffee 既食客休息﹑坐下店內對街景的位是一條可坐6人的bar 枱
其他就主要為2人枱或4人枱，估計場內可坐約30人
講返MENU，除左有一般coffee shop賣既coffee drinks 同一些甜點，佢仲有早餐同飽肚既lunch
早餐去到早上11點供應完，其他食物就由早上11點供應到是日關門
輕身有多士﹑蛋治等等
lunch就有焗飯﹑意粉等等，最正既係，佢仲有「煲仔飯」!
這些菜或仲唔係普通茶記見到既樣，係充滿fusion 創意的
例如牛柳炒河同炒貴刁，唔係炒亂晒D 材料上，係整到精緻如花一盤咁上
雖然我冇叫到，但睇到個MENU 同其他食客點既菜都顯示到
而我叫既其中一款煲仔飯，更突顯到佢地玩fusion 既功架﹑廚師既用心
有QR CODE 可以自己隨時下單
服務方面，侍應們都算有禮貌，不過覺得可以做得再好D
好似我叫佢幫我加水，位男侍應都好快對應到，過黎幫我加水
但佢完全冇理我同行3位朋友，而佢地既水已經冇左大半，似係發緊夢，哈哈
價錢方面，小貴
但難得遇到有實力既fusion 菜，值得
假日餐廳比較多人食
可以打電話訂位
全日沒有加一服務
➽臘腸潤腸法國烏魚子煲仔飯 $108 落單到上菜好似都唔洗20分鐘，幾有效率
外形上好吸引，因為佢地廚師將臘腸和潤腸都切片鋪到成個圈咁，中央再有適量既法國烏魚子，再灑上一些蔥花，岩晒打卡
中式既臘腸潤腸竟然配法國烏魚子
好創新
法國烏魚子其實係魚既卵巢，洗乾淨後以食鹽餣製，所以係乾身帶咸香
其實有D 似咸魚既感覺
口感有點粉，而且沒有咸魚的死咸，咸魚係食少少就已經好重味，但法國烏魚子係一啖飯加一片也不會太過
除了有創意，也懂得用西式既材料提昇中式既菜式既味道
呢個位好欣賞廚師既用心
臘腸和潤腸好食，唔會乾有適當既汁
切得薄，都易咬
不過略嫌可以切厚少少，個人喜歡食到爆汁既口感
飯有焦香，有飯焦
而且佢唔黏底，好勁
見到煲底有D油，相信係落左D 油所以就算有飯焦都唔黏底
呢D 位睇得出好有心做，讚
而且個油食完都唔會有膩既感覺，相信係一D 有質素既油
整體好食，十分推薦!
➽水蜜桃焗豬扒飯 $88 焗飯比煲仔飯早少少到
外形上都係幾靚
飯邊鋪滿了粒粒既水蜜桃
中間就係一飯吉列豬扒
吉列豬扒唔乾身，但也未去到多汁，整體口感都係唔錯
個汁朋友試就話覺得有D 酸
我反而覺得幾好食，岩岩好
飯係炒底，汁既量都唔少，食到底都唔會覺得個飯係乾身
雖然創意度未及煲仔飯咁高，但都算不錯既一款
以上既飯都唔包飲品，另叫要正價
大約$30起都有一杯
題外話/補充資料：
可以打電話訂位；
全日沒有加一服務
(以上食評乃用戶個人意見 , 並不代表OpenRice之觀點。)
張貼
