大哥雞煲 (已結業)

放工搵地方食宵夜是常識吧！夜媽媽仲開門而又好食嘅餐廳其實唔多，琛水埗最近開嘅「大哥雞煲」係唔錯嘅選擇。言歸正傳，食咗個「招牌雞煲」，望落幾足料，而啲雞幾嫩滑，味道唔算辣，女士覺得啱啱好，男士即刻叫多個大辣雞煲，各有各食。食完雞煲打邊爐，用豬骨湯加湯，夠味而唔會太咸。Very Good~~~配料叫咗幾樣嘢：杞子白菜花膠餃（唔係成日有得食）、本地手切牛肉、響鈴、 腐竹（老闆話係樹記來貨）、菜，等等。重點推介：花旗蔘桂圓茶。原來老闆話佢另外係做藥材海味批發，所以拎到啲靚食材冇難度。大家一飲落口就明，真係好清甜，明顯足料兼夠火候煲，食完雞煲宵夜飲，Perfect