有囍 (已結業)

難得平日放假陪屋企人，一齊行下花園街，重拾兒時嘅片段。呢頭附近好多食店，被呢間68元限定龍蝦喇沙吸引咗。我地食個陣雖然係下午茶時段，但keep住都有人流。間鋪都幾大，門口紅紙未整走，不過唔覺有陣裝修味道。研究餐牌時間，下午茶都多選擇，我自己本身好少何食新加坡菜，但家人就好嘅。同屋企人都喜歡食龍蝦關係，都係叫咗全隻嚟食。呢個上嚟一刻我地係心心眼，娘惹另外放，可以自行調教。喇沙味道剛好，唔會太辣。我地都覺龍蝦可以浸係碗湯度一陣，吸小小喇沙味仲正，蝦肉都多。雲上黑松露多士，燒過嘅蛋白，上面有小小黑松露，味道都幾特別，配底下嘅多士係幾好，套餐仲有嘢飲。屋企人見到餐牌有呢個砂糖腐乳多士，話好想睇下係咩味。我地都麻麻地腐乳，對我地黎講新嘗試。食落口有驚喜，砂糖原來可以咁配腐乳，初初點點砂糖帶出甜味，然後腐乳味開始出嚟，小小咸，但唔會好重。