影片
更多
2022-08-03
34 瀏覽
今日介紹嘅餐廳位於大角咀，為馬來西亞茶啡室，主打馬來西亞菜，另有供應少量泰國菜。肉骨茶是餐廳招牌菜式，此外亦有其他特色菜提供，而且價錢中等水準。餐廳裝潢走六、七十年代的懷舊設計，環境乾淨企理，感覺舒適。🌟怡保芽茶雞黃薑飯 首先飯可以選擇珍珠飯或黃薑飯，而黃薑飯用咗珍珠米色澤夠黃，有少少黃薑味香。另外雞件都幾滑同份量都幾多，而且有啫喱狀，仲有堆芽菜墊底。🌟馬拉沙嗲串燒 - 豬/牛/雞呢個串燒豬/牛/雞各一條，餐廳會預先淋埋沙嗲醬上串燒面。沙嗲醬有花生味，食落甜甜地。串燒唔會話燒到好乾，食落仲有少少既肉汁。🌟泰式生蝦馬來餐廳竟然有生蝦食仲要唔太貴而且仲有8隻蝦咁多每隻蝦上面都有青瓜，辣椒同蒜，可以夾埋一齊食，仲可以配埋泰式酸辣汁一齊食。🌟南洋鮮油燒麵包平時食開都係用白麵包烘嘅咖央多士，呢間特別少少，燒麵包係用啡色嘅麵包，感覺食落比普通白麵包烘出黎更加香脆同埋多左一陣香味！麵包中間夾咗厚厚嘅嘅牛油同咖央醬，食落好滿足！🌟細滲細就指細煲，而滲馬拉意思即係雜錦，咩都有溝埋一齊咁解。唔好睇好似細細煲咁，當中有一字骨 三層肉 豬手 豬肚 雞腳 豆卜 油炸鬼。細滲係幾有特色，仲有少少藥材味，應該都落左
今日介紹嘅餐廳位於大角咀，為馬來西亞茶啡室，主打馬來西亞菜，另有供應少量泰國菜。肉骨茶是餐廳招牌菜式，此外亦有其他特色菜提供，而且價錢中等水準。餐廳裝潢走六、七十年代的懷舊設計，環境乾淨企理，感覺舒適。
🌟怡保芽茶雞黃薑飯
首先飯可以選擇珍珠飯或黃薑飯，
而黃薑飯用咗珍珠米色澤夠黃，有少少黃薑味香。
另外雞件都幾滑同份量都幾多，而且有啫喱狀，仲有堆芽菜墊底。
🌟馬拉沙嗲串燒 - 豬/牛/雞
呢個串燒豬/牛/雞各一條，餐廳會預先淋埋沙嗲醬上串燒面。沙嗲醬有花生味，食落甜甜地。串燒唔會話燒到好乾，食落仲有少少既肉汁。
🌟泰式生蝦
馬來餐廳竟然有生蝦食仲要唔太貴而且仲有8隻蝦咁多
每隻蝦上面都有青瓜，辣椒同蒜，可以夾埋一齊食，仲可以配埋泰式酸辣汁一齊食。
🌟南洋鮮油燒麵包
平時食開都係用白麵包烘嘅咖央多士，呢間特別少少，燒麵包係用啡色嘅麵包，感覺食落比普通白麵包烘出黎更加香脆同埋多左一陣香味！麵包中間夾咗厚厚嘅嘅牛油同咖央醬，食落好滿足！
🌟細滲
細就指細煲，而滲馬拉意思即係雜錦，咩都有溝埋一齊咁解。唔好睇好似細細煲咁，當中有一字骨 三層肉 豬手 豬肚 雞腳 豆卜 油炸鬼。
細滲係幾有特色，仲有少少藥材味，應該都落左好多藥材去煲呢個肉骨茶。
同埋肉骨茶係無限添加可以叫待應添加肉骨茶，佢地好樂意同主動，而煲下面仲有有火燒住保溫，慢慢食都得。
🌟美祿恐龍
面頭鋪滿美祿粉，美祿味濃。
🌟椰汁斑蘭冰
斑蘭味唔算突出，但椰汁味就好出，入口順滑。
地方環境坐得舒服而且好光猛，餐廳所有嘅餐具都係一式一樣，非常之講究。
📌麥金.麥金馬來西亞特式茶啡室 @kopitiammakan
大角咀大全街6-20號大富樓地下A2B號舖
🚇港鐵奧運站 C1 出口, 步行約7分鐘
📍#大角咀
張貼
