滿屋日本料理 (大埔超級城C區)

營業中

休息中

【大埔區】【滿屋日本料理】呢間放題係我近年食得最多嘅一間放題，佢哋分咗四 Set，A 餐食 74 款，B 餐食 92 款，C 餐食 107 款，D 餐可以食晒 116 款。而且仲有啲自助食物、飲品、甜品，乜餐都攞得，食得晒就得喇。經理特登提醒我「紐西蘭乳龍蝦刺身」冇晒，唔緊要我本身都唔食，另外嘅「火炙大拖羅壽司」、「芥辣味避風塘炒蟹」同「白松露大拖羅腩壽司」我都冇試，叫極緻組合唔一定要狂食佢獨有嘅嘢，食吓其他嘢都得，隨心。話雖如此，我同隨行同事都有食「加拿大海膽刺身」、「明太子大拖羅壽司」、「海膽鵝肝伴帶子壽司」同「香煎鵝肝」等等嘅極緻組合，當然仲有「松葉蟹腳刺身」，不過由於我冇食我就唔多講喇，同事話佢都算 okay。上次「香煎鵝肝」係青瓜墊底，今次係法包墊底，一樣好味。而個海膽刺身同兩款壽司都一樣咁出色，係幾好。其他較為突出嘅有「鮑魚花膠雞鍋」、「火炙芝士鰻魚」同埋「和牛薄燒」，尤其個雞鍋，都幾有驚喜嘅。篇幅所限，刺身同其他食物方面都冇可能逐樣寫，不過總體而言我覺得個體驗仲會再好過荃灣店少少。任飲任食嘅自助區仲有朱古力噴泉，點綿花糖可以話係小朋友至愛。嘢飲都係嗰啲，有清酒有啤酒，汽水