客廳

營業中

休息中

好鍾意食客家菜嘅我，今次嚟到位於大坑嘅大坑火龍文化館，呢度係一個歷史建築，除咗入邊有大坑火龍嘅歷史介紹之外，一樓有一間餐廳，叫做客廳，主打客家菜，今次揀咗中午嘅時間去，set lunch 有飯有茶或者飲品。經典嘅客家菜梅菜扣肉，好好食，脂肪入口即溶，好邪惡。沙薑雞飯，雞肉都幾嫩滑，沙薑汁送飯一流。餐廳入面掛滿咗好多以前大坑嘅歷史照片。餐廳內擺放好多茅台酒。食完之後仲可以參觀大坑火龍文化館，認識火龍嘅歷史文化。