Nonsense

想搵個有心思嘅地方慶祝生日？呢間隱世小店絕對係驚喜之選！最大亮點係 「滑碟藝術」——只要俾張圖俾師傅（寵物、卡通、祝福字句都得），效果精緻又IG-able，壽星一定開心到尖叫！

食物水準同樣高質，我地叫左鵝肝封門牛柳日式煲仔飯：鵝肝油潤甘香，牛柳軟嫩多汁，撈埋日式醬油同飯焦，暖笠笠超滿足！大蝦明太子忌廉扁意粉亦出色，明太子鹹香掛滿每條意粉，大蝦爽彈鮮甜。

人均約$200-250，環境舒服又有心，無論慶生、紀念日都夠難忘。記得提早預約同準備想畫嘅圖案，呢份生日禮物肯定獨一無二！