影片
更多
2022-02-02
47 瀏覽
一早聽過朋友講馬祖啲火鍋幾高質，今次真係有機會去食喇！今次同朋友order左呢個【台灣養生涮涮鍋吃到飽套餐】🍲性價比幾高！！！今次湯底揀左麻辣鴨血凍豆腐鍋(少辣🌶)，好正好刺激，開頭辣椒未煮得好透切嘅時候食落微微辣辣地，之後越煮就會越辣，雖然好鬼好食🤣但都建議大家揀少辣就夠🔥店內有幾款唔同價錢嘅套餐比大家選擇，而我揀左嘅呢個套餐有以下幾款肉比各位食肉獸任食：🌟美國SRF極黑和牛肩脊肉🌟Prime Grade 安格斯牛肉🌟Prime Grade 安格斯牛頸脊🌟西班牙伊比利亞黑毛豬🌟西班牙無激素豬肉片嘩！個美國SRF極黑和牛肩脊肉真係好重牛牛味！唔係講少！肉質真係唔同啲🤤建議大家淥到岩岩好熟就拎上黎食！就算唔點醬汁都好正！原汁原味嘛👍🏻加埋個麻辣湯底，個味蕾刺激真係好爽😄(食得辣嘅朋友仔先明🌶)另外其他唔同款式嘅肉都好高質架！打邊爐除左狂食肉之外，配料質素我都好講究架，呢間邊爐放題提供左超過85款配料比大家任食呀！有基本邊爐配料就唔洗講啦，比較特別有好多手工丸類，睇得出好有心思系提供配料上，例如有手工黑松露墨魚丸、手工三式丸、手工墨魚滑等等，味道都幾特別，唔係周圍食到！其他比較特別嘅配料就
店內有幾款唔同價錢嘅套餐比大家選擇，而我揀左嘅呢個套餐有以下幾款肉比各位食肉獸任食：
🌟美國SRF極黑和牛肩脊肉
🌟Prime Grade 安格斯牛肉
🌟Prime Grade 安格斯牛頸脊
🌟西班牙伊比利亞黑毛豬
🌟西班牙無激素豬肉片
嘩！個美國SRF極黑和牛肩脊肉真係好重牛牛味！唔係講少！肉質真係唔同啲🤤建議大家淥到岩岩好熟就拎上黎食！就算唔點醬汁都好正！原汁原味嘛👍🏻加埋個麻辣湯底，個味蕾刺激真係好爽😄(食得辣嘅朋友仔先明🌶)另外其他唔同款式嘅肉都好高質架！
打邊爐除左狂食肉之外，配料質素我都好講究架，呢間邊爐放題提供左超過85款配料比大家任食呀！有基本邊爐配料就唔洗講啦，比較特別有好多手工丸類，睇得出好有心思系提供配料上，例如有手工黑松露墨魚丸、手工三式丸、手工墨魚滑等等，味道都幾特別，唔係周圍食到！
其他比較特別嘅配料就有：
🌟女仔見到會好瘋狂心心眼嘅超入味花膠片😍
🌟是日精選海鮮！當日有生猛海蝦、蜆款同埋蟶子，真係唔算細隻架！啖啖肉吸哂啲麻辣湯底~
🌟足八吋長蟹棒！好有誠意呀呢個！
🌟台灣鴨血唔係唔食下話🤤
🌟蟲草花香菇雞肉餃，淡淡蟲草花香味，好補呀喂👍🏻
食麻辣火鍋口渴點算好？唔洗驚！講到明係台灣野，梗係有台式飲品啦！今次我飲左愛文芒果茉莉花茶&冷泡日月潭蜜香紅茶，兩款各有特色，前者就唔算太甜，香愛文芒味，而後者就清淡茶味，岩哂中意飲茶嘅你地😙而甜品有至少8款雪糕雪條比你任揀一杯/條，絕對有款岩你！
1 瀏覽
0 讚好
0 留言
1 瀏覽
0 讚好
0 留言
張貼
