影片
更多
2022-09-05
43 瀏覽
朋友新居附近有間隱世鐵板燒😛咁啱見到OpenRice訂位有折，就一齊試試佢啦！ 餐廳面積唔太大但座位寬落，L型吧台可以望住廚師表演鐵板燒功夫～ 店員先奉上一杯少見嘅花旗蔘茶，入面有個青檸仔，可幫助解油消滯📍明太子薯仔沙律📍三文魚子帶子豆腐兩款前菜都幾清新，當中帶子好滑溜，個汁有少少辣都幾開胃📍十八層海膽杯呢個係餐廳嘅招牌菜！食得出嘅材料有海膽、蟹肉、海草、鮑魚粒、明太子、魚子、拖羅蓉、銀魚仔脆片、魷魚絲，雖然好多種材料，但係出奇地會食到唔同嘅鮮味🤓口感味道都富有層次📍活龍蝦🔸時令貝類🔸時令海鮮師傅幾下功夫就將龍蝦🦞拆件，龍蝦爽口彈牙，兩種食法分別係海膽芝士焗同秘製龍蝦膏醬。今次嘅時令海鮮係鰻魚，鰻魚肉厚皮脆，加咗醬汁惹味又香口。另外貝類為蟶子皇🐚配上煙肉同埋櫻花蝦，香味十足📍威士忌A5和牛厚燒(岩手縣)店員話威士忌和牛日日都飲威士忌😆 唔知係唔係真呢😛 咁矜貴嘅食材唔係周圍有得食，和牛煎得剛剛好～ 📍燒野菜🔸炒飯🔸湯野菜款式都幾多，師傅會為每款野菜配搭唔同嘅醬汁，幾有心思。炒飯落左椰菜花粒配蘭王蛋，口感唔錯的，就算食得好飽都想食多啖。湯好清甜，係足料嘅花膠羊肚菌蜆湯～📍甘味甜品係自家製
朋友新居附近有間隱世鐵板燒😛咁啱見到OpenRice訂位有折，就一齊試試佢啦！ 餐廳面積唔太大但座位寬落，L型吧台可以望住廚師表演鐵板燒功夫～ 店員先奉上一杯少見嘅花旗蔘茶，入面有個青檸仔，可幫助解油消滯
📍明太子薯仔沙律
📍三文魚子帶子豆腐
兩款前菜都幾清新，當中帶子好滑溜，個汁有少少辣都幾開胃
📍十八層海膽杯
呢個係餐廳嘅招牌菜！食得出嘅材料有海膽、蟹肉、海草、鮑魚粒、明太子、魚子、拖羅蓉、銀魚仔脆片、魷魚絲，雖然好多種材料，但係出奇地會食到唔同嘅鮮味🤓口感味道都富有層次
📍活龍蝦🔸時令貝類🔸時令海鮮
師傅幾下功夫就將龍蝦🦞拆件，龍蝦爽口彈牙，兩種食法分別係海膽芝士焗同秘製龍蝦膏醬。今次嘅時令海鮮係鰻魚，鰻魚肉厚皮脆，加咗醬汁惹味又香口。另外貝類為蟶子皇🐚配上煙肉同埋櫻花蝦，香味十足
📍威士忌A5和牛厚燒(岩手縣)
店員話威士忌和牛日日都飲威士忌😆 唔知係唔係真呢😛 咁矜貴嘅食材唔係周圍有得食，和牛煎得剛剛好～
📍燒野菜🔸炒飯🔸湯
野菜款式都幾多，師傅會為每款野菜配搭唔同嘅醬汁，幾有心思。炒飯落左椰菜花粒配蘭王蛋，口感唔錯的，就算食得好飽都想食多啖。湯好清甜，係足料嘅花膠羊肚菌蜆湯～
📍甘味
甜品係自家製海膽雪糕，配搭爆炸糖😳呢款係餐廳自己創作嘅甜品，小妹都係第一次食海膽做嘅雪糕咋，創意滿分
張貼
