燒味滷師 (協邦大廈)

今日屋企難得齊人食飯，媽咪叫我放工經過虹橋斬料返去加餸，食完覺得呢間燒味都幾值得推介，幾抵食同好似幾乾淨，唔係中央工場嘅燒味，收銀姐姐又有好禮貌。

至尊燒鵝 上庄 $110
～皮脆肉多，買半隻都係$180，下次我要買半隻，食埋鵝脾🤤

燒味佬叉燒 1斤 $40
～呢個叉燒我都幾中意食，外皮微微燒香，雖然偏肥，但都多肉，但蜜汁很夠，中意甜甜叉燒味。

老師傅燒腩仔 1斤$50
～嫌三嫌四嘅家姐意外地中意今日呢個燒腩仔，佢過因為有啲腩骨，多肉，唔肥，有咸香味。

玫瑰豉油雞 半隻 $30
～我本身就偏好肥仔油雞，雖然好肥，但油雞真係好好味，好多燒味鋪個油雞都仲有血水，呢間就熟晒，熟得黎肉仲好滑，半隻30蚊好抵食。