Abbraccio

今次又嚟介紹多間嘉兆商業大廈嘅餐廳，今次呢間仲設有露台位置非常Chill，室外燈光非常有氛圍感，坐窗邊直接就可以望到大館。———————————————🌟Latturga e Tartufo $158呢個沙律其實幾有驚喜，一上台就聞到好香嘅黑松露味，面頭都加有啲杏仁片，蔬菜本身亦好鮮甜。🌟Alla Bolognese $208呢個其實係用慢煮和牛整嘅肉醬意粉，同平時食開嘅好唔一樣，充滿牛肉香。意粉本身就比較幼身同短，整體味道都唔錯。🌟Margherita SOP $188我見好多人都讚呢度嘅Pizza，果然都冇令我失望，佢Pizza內裡好軟熟咬落又有少少煙韌，口感非常唔錯。加上面頭嘅蕃茄同芝士，絕對係一個出色嘅Margarita👍🏻🌟Mango Rush $88呢杯其實係芒果味的梳打，調味上唔錯，芒果香夠出唔會太甜。🌟Shirley Temple $88一樣都係梳打不過係類似櫻桃嘅味道，比較甜少少。