影片
更多
2015-06-06
353 瀏覽
威靈頓街開咗唔少特色小餐店!! 星期六去完百年換錢，熱到冇朋友，一心只想搵間有冷氣嘅休息吓，最後被一間用Salon做主題嘅Café吸引咗入去。誤打誤撞竟然食到高質All day breakfast，真係開心大發現！▼ All day breakfast + House Coffee ($120) ▼睇Openric食評都唔多見有all day breakfast，然後發現原來係有新Menu。價錢已包括一杯咖啡，中環嚟講價錢都算相宜，更可自由配搭食材，窩夫x1 , 肉類x3, 雞蛋x1, baked beans/House salad x1。.一上枱，碟頭相當大份，足料呢方面可先俾個Like，味道又如何呢？.Cheese omelette：我相信「蛋」絕對係all day breakfast嘅靈魂，出面較少見有得揀奄列，仲要有芝士嘅選擇，當然要一試。個蛋係相當滑，嫩嫩嘅蛋汁同流心芝士融為一體，芝士份量唔少亦香濃，連大少呢名蛋痴都讚。Sausage：成碟嘢嘅第2最愛！新鮮熱辣，皮脆爆汁juicy絕對係一條腸嘅至高境界。再咬，OMG原來裡面仲有芝士爆出嚟！Menu就咁寫Sausage，其實店
▼ All day breakfast + House Coffee ($120) ▼睇Openric食評都唔多見有all day breakfast，然後發現原來係有新Menu。價錢已包括一杯咖啡，中環嚟講價錢都算相宜，更可自由配搭食材，窩夫x1 , 肉類x3, 雞蛋x1, baked beans/House salad x1。
.一上枱，碟頭相當大份，足料呢方面可先俾個Like，味道又如何呢？
.
Cheese omelette：
我相信「蛋」絕對係all day breakfast嘅靈魂，出面較少見有得揀奄列，仲要有芝士嘅選擇，當然要一試。個蛋係相當滑，嫩嫩嘅蛋汁同流心芝士融為一體，芝士份量唔少亦香濃，連大少呢名蛋痴都讚。
Sausage：
成碟嘢嘅第2最愛！新鮮熱辣，皮脆爆汁juicy絕對係一條腸嘅至高境界。再咬，OMG原來裡面仲有芝士爆出嚟！Menu就咁寫Sausage，其實店家真係冇必要用靚料芝士腸，我亦當然冇預到，所以相當驚喜。
Bacon：
第3 Hero，微脆但又Juicy的一大塊，輕輕加上胡椒/香草，咸香又惹味。
Banana Waffles：
掛住食上面嘅嘢，搞到窩夫已放涼，熱食應該質感更柔軟美味。咪睇少佢細細塊，質地很厚實，食埋佢冇可能唔飽。
Turkey breast：
略咸，味道OK，但其他材料實在太強，所以相對失色了。下次會試corned beef！
House salad：
是新鮮的蔬菜就很足夠了！如可以多一點沙律的sauce當然更好！
▼ 桃肉 + 薄荷葉汁 ▼
店員向我哋推介呢一杯，甜甜地嘅水果味，加埋薄荷葉好Fresh!! 仲有啖啖果肉粒，同埋都幾大杯，大熱天時飲很暢快！
..
▼ 環境服務 ▼
上面嗰層就係Salon，所以先用理髮做主題，有點英倫風的感覺。見到門口張飛髮椅我就會不期然想起「魔間理髮師」呢套戲haha！卡位坐墊軟軟的很舒服！店員亦有禮，會耐心講解不明白的地方！
再次為發現值得支持的小店而高興：）
張貼
