影片
更多
2023-02-22
35 瀏覽
今次嚟到上水搵Cafe，離遠就已經聽到有音樂傳出嚟，去到門口就已經見到餐廳內部燈光好有情調，而且配有現場樂隊表現。餐牌上亦有唔同嘅晚餐set選擇都係$178-250左右，包曬餐湯配蒜蓉多士、小食、主菜、甜品同飲品，性價比好高咁，所以就決定要入去試試。———————————————🌟自家製蕃茄醬海鮮意大利飯 $178呢個自家製蕃茄醬真係用新鮮蕃茄做，唔係平時有防腐劑果種蕃茄醬。啲米亦都煮得好入味，食落酸酸甜甜仲要好有咬口，上面亦有青口、魷魚同蝦，材料唔算好多，但用返價錢同質素嚟講依然都係好抵啊🤭.🌟炭烤澳洲草飼西冷牛扒配香草焗新薯及燒汁 $236呢塊牛扒牛味足，份量都唔細而且筋位唔算多，廚師對熟成度都掌握得好好。旁邊仲有薯仔同焗蒜，味道都好香調味啱啱好。.🌟炸拉絲芝士配他他醬呢個比想像中好食，炸得非常香脆，而且真係好拉得🤣係小食首選👍🏻隔離嘅沙律菜配上黑醋汁酸酸甜甜亦都好好食！.🌟水牛城汁脆炸雞翼脆炸雞翼本身仲可以揀燒烤汁同玫瑰花蜜味，水牛城雞翼汁調得好好，唔係好辣但個酸甜味好出，熱辣辣又香又好食！.🌟抹茶咖啡 (跟餐+$23）本身係叫抹茶牛奶，但見佢黎左抹茶咖啡，就抱住一試嘅心態試吓，
———————————————
🌟自家製蕃茄醬海鮮意大利飯 $178
呢個自家製蕃茄醬真係用新鮮蕃茄做，唔係平時有防腐劑果種蕃茄醬。啲米亦都煮得好入味，食落酸酸甜甜仲要好有咬口，上面亦有青口、魷魚同蝦，材料唔算好多，但用返價錢同質素嚟講依然都係好抵啊🤭
.
🌟炭烤澳洲草飼西冷牛扒配香草焗新薯及燒汁 $236
呢塊牛扒牛味足，份量都唔細而且筋位唔算多，廚師對熟成度都掌握得好好。旁邊仲有薯仔同焗蒜，味道都好香調味啱啱好。
.
🌟炸拉絲芝士配他他醬
呢個比想像中好食，炸得非常香脆，而且真係好拉得🤣係小食首選👍🏻隔離嘅沙律菜配上黑醋汁酸酸甜甜亦都好好食！
.
🌟水牛城汁脆炸雞翼
脆炸雞翼本身仲可以揀燒烤汁同玫瑰花蜜味，水牛城雞翼汁調得好好，唔係好辣但個酸甜味好出，熱辣辣又香又好食！
.
🌟抹茶咖啡 (跟餐+$23）
本身係叫抹茶牛奶，但見佢黎左抹茶咖啡，就抱住一試嘅心態試吓，搞勻前個咖啡本身好香，抹茶味冇糖係有啲差少少，搞勻後兩邊味道融埋一齊好特別，係一杯充滿抹茶香嘅咖啡，呢個新嘗試感覺都唔錯！
.
🔸整體評價🔸
性價比好高，價錢唔貴之餘份量樣樣都好足😍環境都好好，現場樂隊基本上都係唱90後流行嘅歌，全部都好好聽🤭如果大家住呢邊或者去開呢頭真係超推薦呢間Cafe！
0 瀏覽
0 讚好
0 留言
張貼
