The Galley by Cafe Proud Wings (已結業)

今日係補祝生日既晚餐男朋友就帶左我黎The Galley by Cafe Proud Wings佢話今年唔得閒帶我去外國慶祝生日, 所以請返我食「飛機餐」補數喎呢間餐廳係以機艙同機場作為主題成個感覺真係好似準備出國咁一於睇下飛機餐有咩食先MENU上都幾多選擇, 同男友商議左一陣就決定叫香煎鵝肝多士配無花果、燒海鮮拼盤、燒西班牙黑毛豬鞍扒、帶子墨魚汁意大利飯同埋焦糖燉蛋【香煎鵝肝多士配無花果】鵝肝煎得外脆內軟, 入口即溶, 配上無花果可以解膩【燒海鮮拼盤】個拼盤包括有三文魚、帶子、魷魚同虎蝦份量絕對夠兩個人食基本上佢四款海鮮都咁正不過個人口味比較鐘意食帶子同魷魚魷魚非常影咬, 開頭仲驚佢會好韌個種, 點知非常軟淋帶子就大大粒, 好新鮮仲好鮮甜, 勁厚肉【燒西班牙黑毛豬鞍扒】塊扒厚得黎唔會鞋口, 燒得啱啱好同埋居然帶少少爽口既質感, 又幾得意喎果然係黑毛豬, 靚嘢係唔同啲既【帶子墨魚汁意大利飯】兩粒帶子大大隻,放係烏卒卒既飯上面顯得更加大粒意大利飯質地偏硬, 不過正宗意大利本來就係偏硬, 仲有好濃既墨魚汁香味帶子就好厚肉好大粒, 好好食【焦糖燉蛋】表層既焦糖燒得好脆, 唔會太硬或者燒得唔夠