影片
更多
2023-05-02
600 瀏覽
今晚去萬發食，唔小心做咗水魚比人搵笨。原本諗住叫味菜班腩，叫緊個陣有個短白頭髮阿叔侍應黎推薦另一款餸。佢話一魚兩味，班腩就拎去炒菜，魚骨就拎去炆。佢「聲稱」係海魚，原價$45 一兩，而家就$28 一兩，條魚就兩斤左右。咁佢就極力慫恿我去叫，仲拍心口話唔好食就搵佢。咁我平時都成日黎幫襯，我都覺得佢啲餸係幾好食又經濟(平時都係食$100-200 一個餸）。帶屋企人去食，又好肚餓，以為個兩碟餸貴極都係一二百蚊一碟。點知埋單睇到兩碟加埋$896❗️ 碟班腩炒菜就係魚片伴白烚菜芯🤯🤯，講好咗嘅炒菜呢？ 碟炆魚骨就係炸魚頭仲有啲唔知咩炸魚骨加埋幾舊豆腐同火腩。圖入面右邊個碟就係唔好食嘅炆魚骨，上面個碟就係魚片伴白烚菜芯。之後埋單同佢對質（重點嘅對話）我：😡 阿叔侍應：👨🏻😡：你碟菜其實都幾難食，賣咁貴都唔係幾抵！👨🏻：好唔好食係睇你點定義啫最後減價到$700 先埋單，我都知自己蠢咗，冇問清楚兩碟幾錢仲有冇睇過睇魚係咪海魚就落咗單。但我覺得萬發嘅侍應係推銷上係有資料表達唔清晰，從而導致有食之後有拗撬。建議大家去食嘅時候唔好比個侍應sell，最好盡量跟餐牌叫。就算係想食佢sell個碟菜都要問好哂tot
佢話一魚兩味，班腩就拎去炒菜，魚骨就拎去炆。佢「聲稱」係海魚，原價$45 一兩，而家就$28 一兩，條魚就兩斤左右。咁佢就極力慫恿我去叫，仲拍心口話唔好食就搵佢。
咁我平時都成日黎幫襯，我都覺得佢啲餸係幾好食又經濟(平時都係食$100-200 一個餸）。
帶屋企人去食，又好肚餓，以為個兩碟餸貴極都係一二百蚊一碟。點知埋單睇到兩碟加埋$896❗️
碟班腩炒菜就係魚片伴白烚菜芯🤯🤯，講好咗嘅炒菜呢？ 碟炆魚骨就係炸魚頭仲有啲唔知咩炸魚骨加埋幾舊豆腐同火腩。圖入面右邊個碟就係唔好食嘅炆魚骨，上面個碟就係魚片伴白烚菜芯。
之後埋單同佢對質（重點嘅對話）
我：😡 阿叔侍應：👨🏻
😡：你碟菜其實都幾難食，賣咁貴都唔係幾抵！
👨🏻：好唔好食係睇你點定義啫
最後減價到$700 先埋單，我都知自己蠢咗，冇問清楚兩碟幾錢仲有冇睇過睇魚係咪海魚就落咗單。但我覺得萬發嘅侍應係推銷上係有資料表達唔清晰，從而導致有食之後有拗撬。建議大家去食嘅時候唔好比個侍應sell，最好盡量跟餐牌叫。就算係想食佢sell個碟菜都要問好哂total價錢。如果係海鮮，一定要睇住佢劏，以免有偷龍轉鳳嘅可能。
張貼