🐂日本黑毛和牛A4＋吃到飽 $488
晚市120分鐘放題，包含多款高級食材！適逢大閘蟹季節，每位奉送江蘇太湖大閘蟹一隻，優惠期至12月2號，千祈唔好走寶！
🦀江蘇太湖大閘蟹
齋開蟹奄，已經見到滿滿嘅半透明蟹膏，綿滑甘香！
🐂日本黑毛和牛A4＋
漂亮嘅油花，輕焯至半溶狀態，食落特別滑嫩多汁，牛脂嘅鮮甜味好正！
🐖伊比利亞黑毛豬梅肉
肉質幼嫩帶肥，軟柔兼甘香美味！
♨️聰明魷魚沙茶鍋｜養生菇菌燉雞鍋 鴛鴦鍋 ＋$50
沙茶鍋嘅醬香啱啱好，加埋魷魚、腩肉、蝦米、韭菜等堆疊香氣，頗為惹味！燉雞鍋勁足料，味道醇厚，可以嘆返碗靚湯先再打邊爐！
🪸海鮮拼盤
奉送海鮮頭盤，鮮鮑魚十分鮮美，可以無限Encore！生蠔滑溜肥美！扇貝甩大肉厚！原隻魷魚爽口鮮甜！
🐚鮑魚三吃
除咗有鮮鮑魚打邊爐，仲有三款口味嘅熟食鮑魚：古法醉、美乃滋、柚子燒汁，同樣精彩！
🔥放題小食
多咗好多新嘢，推介酥脆嘅蝦蝦霸霸脆多士、清新滑溜嘅日本和牛橘梨伴豆腐、用香港老字號永樂粉麵廠出品嘅阿嬤豆乾魚蓉麵、香脆惹味嘅夜市撈脆薯、外脆內嫩嘅三和夜市雞皮卷等！
🍹放題飲品
新增港式檸檬茶18＋，係加咗Vodka嘅凍檸茶！芒檸蜜西米爽，有靚靚專屬杯套！1664 / Sapporo 生啤任飲！仲有多款台式搖飲品！
🍨放題甜品
除咗有名廠雪糕、雪條、甜筒之外，新增好清爽解膩嘅蜜桃愛玉冰！
💠東南西北．回到童年時
凡惠顧指定放題，每枱可以玩童年回憶「東南西北」一次，餐廳會送出相應嘅懷舊玩具/小禮品！
