影片
更多
2020-03-06
523 瀏覽
川菜之所以能夠川流不息，歷久常新主要就係果一套功夫菜。而四川最正宗既莫過於由陳啓德師傅，人稱德哥既名廚主理既「川流」。餐廳以簡約特色將酒吧同餐廳融匯貫通，用黑色主調黎襯托成個氣氛，除左個型字之外我真係諗唔到其他形容詞能夠形容得更加貼切！而新派川菜除仲加入左西式元素將菜式賣相變得更加精緻。 而家由2月27號去到3月8號仲有「2020春季香港餐廳周」DiningCity，搜羅超過130間優質食府做緊最低優惠價都只係HK$148咋！仲等咩呀？👇📌HK Restaurant Week - $398/Head▪ 頭盤四小碟 -▫ 食主之前當然唔要醒下胃先啦，點完菜一黎就有一個四小碟前菜既禮盒。賣相精緻，每款前菜都分得精細，誠意十足。包括香脆花生、自家製毛豆、四川泡菜、話梅爆谷。最欣賞佢爆谷由餐廳自己炒，加少少辣粉，香口到不得了！ ♦1st Course -▪ 蒜泥·本地黑毛豚白肉 -▫ 就算係自家本地既黑毛豬一樣出色，可以見到師傅既刀功如此利落，每塊豚肉大細平均，厚薄如一。而肉質腍身，肥瘦適中，加埋蒜泥做調味，入口做到麻香之餘，豚肉既香甜亦岩岩好，認真唔錯。▪ 醋椒胡辣羹 -▫ 蛇羹就食得多，
人稱德哥既名廚主理既「川流」。餐廳以簡約特色將酒吧同餐廳融匯貫通，用黑色主調黎襯托成個氣氛，
除左個型字之外我真係諗唔到其他形容詞能夠形容得更加貼切！而新派川菜除仲加入左西式元素將菜式
賣相變得更加精緻。 而家由2月27號去到3月8號仲有「2020春季香港餐廳周」DiningCity，
搜羅超過130間優質食府做緊最低優惠價都只係HK$148咋！仲等咩呀？👇
📌HK Restaurant Week - $398/Head
▪ 頭盤四小碟 -
▫ 食主之前當然唔要醒下胃先啦，點完菜一黎就有一個四小碟前菜既禮盒。賣相精緻，
每款前菜都分得精細，誠意十足。包括香脆花生、自家製毛豆、四川泡菜、話梅爆谷。
最欣賞佢爆谷由餐廳自己炒，加少少辣粉，香口到不得了！
♦1st Course -
▪ 蒜泥·本地黑毛豚白肉 -
▫ 就算係自家本地既黑毛豬一樣出色，可以見到師傅既刀功如此利落，每塊豚肉大細平均，厚薄如一。
而肉質腍身，肥瘦適中，加埋蒜泥做調味，入口做到麻香之餘，豚肉既香甜亦岩岩好，認真唔錯。
▪ 醋椒胡辣羹 -
▫ 蛇羹就食得多，不過以酸辣味既湯羹做主打真係第一次試。呢個湯羹以醋椒做主角，
頭啖湯你會慢慢食到果種麻辣味，後勁會逐漸feel到果種鹹酸味，係你吞尖上面遊蕩，真係幾過癮。
♦2nd Couse -
▪ 當紅沸騰龍躉鰭 -
▫ 當紅炸子雞你就聽過啦，當紅龍躉你又試過無？一黎就見到紅唇烈焰咁既顏色，就咁睇以為肯定好辣啦。
其實食落同水煮魚有d似，比較著重麻香味，而魚肉因為豐富膠質所以好夠彈性，滿滿油香但唔會太膩。
▪ 乾燒明蝦球 -
▫ 以醬汁取勝既一道經典菜，蕃茄醬帶少少微辣得黎又有有酸甜感味，好特別。
而蝦球經過乾燒入口做到彈牙爽滑，撈埋醬汁一齊食自然停唔到口啦。
▪ 騸牯黃牛肉麵 -
▫ 川菜無可能唔整返個麵既，呢個擔擔麵就夠哂睇頭啦。一整片紅油蓋蓋住成碗麵底，
湯頭濃郁惹味，收放自如；而麵條咬落夠彈牙滑溜，唔錯。牛肉用上騸牯黃牛，
因為公牛被閹割之後激素相對少，著重食肥肉，亦姐係肥牛。肥牛夠香甜，
牛味又重，拎黎打邊爐或撈埋呢個麵一齊食就最完美啦。
▪ 溫泉蛋鮮鮑脆飯粑 -
▫ 大大隻鮮鮑放在你眼前，你唔係無動於衷呀麻？而月桂枝上好似串燒咁既就係飯粑，外層炸得鬆化無比，
入口煙韌彈牙，好好食；配搭埋溫泉蛋，自然做到質感更加幼滑呀！
♦Cocktail -
▪ Autumn Blossom - $118(Gls.)
▫ 終於有一次試到一杯令我驚喜滿分既Coctail，呢杯用左慢煮過既菊花塊，拎左果個香味。
再加入雲呢拿、冧酒、檸檬汁、菠蘿汁、葡萄柚汁，將整個甜味帶出，而且飲到啖啖都係菊花香，相當出色！
♦Mocktail -
▪ Peach Mule - $58
▫ 女士們唔鍾意掂到酒精唔緊要，呢杯Mocktail岩哂你啦，先用檸檬、水蜜桃泥加強甜味，
再配搭用加左茶味既糖水，最後倒埋梳打，入口感覺唔會太甜，蜜桃味比較突出，
而且做到賣相有兩層好似水油分隔咁，好特別。
張貼
