影片
更多
2016-09-23
935 瀏覽
與其話呢度係一間甜品店，倒不如話佢係一間專serve食得落肚既藝術品既小店黎得更為貼切！即使一早已經久仰大名同去過佢既尖沙咀分店，當友人同我講book左呢度既時候個心真係好期待！店內既空間唔算好大，U字型既bar枱可以坐大約15人左右，而bar枱後面亦都有幾張小梳化。不過，由於大部份一心想黎既朋友都係想試「即席揮毫」既甜品，所以用途不大！甜品既選擇唔太多，不過唔緊要，因為黎得呢度應該99.99%都係想試果個「Improvisation」！不論係$348既二人份或$522既四人份都係包飲品的，建議可以點特式茶咁就唔驚甜到漏啦！「入正題」之前員工先送上兩枝用test tube裝住既番石榴汁，甜甜地之餘又帶少少清新既冰凍感覺最適合用黎刺激味蕾，為之後既主菜「做足準備」！喺選定好用黎放喺甜品下面既膠片既顏色之後，店員開始用唔同顏色既醬料揮筆，好快就將黑色既膠片填滿豐富既色彩！白、紅、黃、紫四種唔同顏色既醬料分別代表椰子、車厘子、芒果同埋香芋。畫好粗幼不一的線條之後店員開始準備甜品上面既配料。除左抺茶糯米糍、朱古力pudding、甘桔啫喱、紅豆忌廉之外，特別值得一提既係紅蘿蔔奶凍同埋芋頭奶凍，配
店內既空間唔算好大，U字型既bar枱可以坐大約15人左右，而bar枱後面亦都有幾張小梳化。不過，由於大部份一心想黎既朋友都係想試「即席揮毫」既甜品，所以用途不大！
甜品既選擇唔太多，不過唔緊要，因為黎得呢度應該99.99%都係想試果個「Improvisation」！不論係$348既二人份或$522既四人份都係包飲品的，建議可以點特式茶咁就唔驚甜到漏啦！
「入正題」之前員工先送上兩枝用test tube裝住既番石榴汁，甜甜地之餘又帶少少清新既冰凍感覺最適合用黎刺激味蕾，為之後既主菜「做足準備」！
喺選定好用黎放喺甜品下面既膠片既顏色之後，店員開始用唔同顏色既醬料揮筆，好快就將黑色既膠片填滿豐富既色彩！白、紅、黃、紫四種唔同顏色既醬料分別代表椰子、車厘子、芒果同埋香芋。
畫好粗幼不一的線條之後店員開始準備甜品上面既配料。除左抺茶糯米糍、朱古力pudding、甘桔啫喱、紅豆忌廉之外，特別值得一提既係紅蘿蔔奶凍同埋芋頭奶凍，配理Honeycomb等等七彩繽紛既配料之後個甜品終於開始「成形」喇！
接住落黎主角「黑朱古力竹炭雪糕」終於出場！店員首先將材料放入金屬容器內，再注入boiling point 為 -196C 既液態氮，只見原本為液體既材料一瞬間變為固體，好不神奇！
變成固體後店員立刻馬上將佢壓碎，然後放上甜品的正中間部份。之後，佢地再用同一個做法去炮制「雪梨雪葩」！
大功告成之前，店員再喺雪糕上面放上粉紅色龍鬚糖，shocking pink既顏色為呢個「黑白雙剎」加添左一D點綴！
由於佢地好快就會溶，所以店員叫我地最後盡快食左雪糕同埋雪葩先！我自已比較鍾意「黑朱古力竹炭雪糕」，感覺清新得黎之餘又唔會太甜。「雪梨雪葩」感覺非常冰涼可口，但好似酸左少少，如果再甜返D就更好喇！
最後點左既餐飲係「Camomile, Lime Flower & Lavender Tea」同埋「Empress Grey, Orange & Lime Tea」。兩者雖然都只係大路既茶包貨色，但清新既茶香同味道作為餐後飲品尚算唔錯！不過，如果有機會的話我下次會加$35 試下幾乎每枱都叫左既「Signature Fruit Tea」！
總括黎講，呢度不論作為tea time或飯後甜品之選都非常唔錯！試諗下如果帶生日既摯愛過黎「畫」一幅生日禮物俾佢真係夠晒難忘！不過記住黎之前一定一定要book枱，如果唔係唔駛諗一定無位呀！
張貼
