影片
更多
2023-02-23
727 瀏覽
紅磡區新開POKE店，聽店主講話係大角咀「一浪」嘅姊妹店位置比較偏僻，喺後巷度(勇記海南雞隔離條街），唔係街坊或者起附近返工應該好難搵到😢店主好驚訝我哋搵到佢同識去設有幾款特色poke，仲有限定推出款，今期係韓式泡菜燒烤慢煮安格斯封門牛柳poke同極上鹽燒厚牛舌芯poke▶️ 自選poke bowl ($98)《Main》: 帆立貝柱有驚喜❣️以為會係啲燒咗嘅帶子，點知係一粒粒帶子刺身！食落新鮮鮮甜而且口感好嫩，仲要份量幾多，食到最尾一啖都仲有，超推介👍🏻《Base》: 玄米飯+鮮蔬沙律可以揀雙拼(另外仲有壽司飯揀)沙律菜以外有青瓜片🥒落咗少許沙律醬，食落清新夠味玄米飯飯質好好食，硬身啲得來唔會難咬或者感覺未煮熟🍚佔咗醬汁亦唔濕爛，間唔時仲有幾粒赤豆🫘似日本啲蒸飯咁，必選！《Toppings》: 枝豆仁+日式醃蘿蔔+海帶芽個人最鍾意啲爽脆又濃味啲嘅配料，所以揀咗呢啲😋成碗都佈滿枝豆仁💚 口感粉糯紮實，冇用鹽醃但同樣好食，絕對係poke rice嘅絕配日式醃蘿蔔係黃色嗰啲💛呢個將佢切成片狀，方便撈飯食，味道偏甜唔太酸，質感超爽脆，為成個POKE增添層次口感第一次叫海帶芽做配菜，覺得比較一般😗
位置比較偏僻，喺後巷度(勇記海南雞隔離條街），唔係街坊或者起附近返工應該好難搵到😢店主好驚訝我哋搵到佢同識去
設有幾款特色poke，仲有限定推出款，今期係韓式泡菜燒烤慢煮安格斯封門牛柳poke同極上鹽燒厚牛舌芯poke
▶️ 自選poke bowl ($98)
《Main》: 帆立貝柱
有驚喜❣️以為會係啲燒咗嘅帶子，點知係一粒粒帶子刺身！食落新鮮鮮甜而且口感好嫩，仲要份量幾多，食到最尾一啖都仲有，超推介👍🏻
帆立貝柱
119 瀏覽
0 讚好
0 留言
《Base》: 玄米飯+鮮蔬沙律
可以揀雙拼(另外仲有壽司飯揀)
沙律菜以外有青瓜片🥒落咗少許沙律醬，食落清新夠味
玄米飯飯質好好食，硬身啲得來唔會難咬或者感覺未煮熟🍚佔咗醬汁亦唔濕爛，間唔時仲有幾粒赤豆🫘似日本啲蒸飯咁，必選！
玄米飯
101 瀏覽
0 讚好
0 留言
《Toppings》: 枝豆仁+日式醃蘿蔔+海帶芽
個人最鍾意啲爽脆又濃味啲嘅配料，所以揀咗呢啲😋
成碗都佈滿枝豆仁💚 口感粉糯紮實，冇用鹽醃但同樣好食，絕對係poke rice嘅絕配
日式醃蘿蔔係黃色嗰啲💛呢個將佢切成片狀，方便撈飯食，味道偏甜唔太酸，質感超爽脆，為成個POKE增添層次口感
第一次叫海帶芽做配菜，覺得比較一般😗可能因為同沙律菜撈埋左，加上比較薄身同整得比較淋，即使份量多食落都唔係好覺
《Dressings》: 蜜糖芥末醬
成個Menu有九款醬汁揀！
第一啖的確食到蜜糖甜甜地嘅味，但係食吓食吓就淨係食到沙律醬味(mayonnaise)🙈所以我唔知蜜糖芥末醬味道本身似沙律醬，定係沙律醬味道蓋過咗佢嘅味
幾好係醬汁唔會落得太多，咁就唔會浸濕晒啲飯或者令POKE太過濃味 (之前食過一啲POKE落得太多醬，食到底水浸兼鹹到不得了)
不過醬汁偏水咗少少🤏🏻
《Sprinkles》: 木魚絲+紫菜+青蔥+香飯素
10款調味入邊可以任揀，鍾意重口味嘅你可以全部剔晒🤣
我自己就覺得呢啲會同我上面嘅選擇比較夾
飯素令玄米飯更香而有味(絕對係食飯嘅靈魂)
木魚絲好大塊，每次食都聯想起章魚燒上面嗰啲，味道獨特
紫菜同香蔥就唔算好多，為賣相而非味道
▶️ 沙律菜🥗
除咗沙律菜，仲有紫椰菜絲、半粒車厘茄、一片醃蘿蔔
用深煎芝麻醬做醬汁，非常和風嘅沙律
▶️ 麵豉湯
應該用粉沖出嚟，但鍾意佢味道唔太鹹，仲有啲豆腐皮同海帶
▶️ 玄米茶
暖暖地🍵淡淡玄米香味
茶味唔濃烈，唔驚夜晚瞓唔着覺
▶️ TPE 台式麻辣鹽水雞POKE ($98)
用上一片片滑嫩雞胸肉🐔另外仲有溫泉蛋、香菇、菠蘿、蘋果、小黃瓜、櫻桃蕃茄、香菜
醬汁係麻辣芝麻醬，而底係壽司飯
其實抵食過自選，多好多配料，唯一係唔可以自己揀，欠缺咗自由度😛
-
呢間POKE算係我食過入邊好食嘅一間，真心鍾意佢個帆立貝🤤其他配料都醃同預備得好好，最緊要超足料👍🏻健康又飽肚
每啖飯都佈滿配料，口感層次豐富有質感
自選poke bowl
$98
148 瀏覽
0 讚好
0 留言
舖仔細細但入邊都擺到六張四人枱，坐落唔迫
用上日式木系裝飾，令人感覺溫馨舒適
仲要係寵物友善餐廳🐶歡迎狗主帶埋狗仔一齊嚟食(今次我都有帶我啲狗仔嚟食)
設戶外坐位，不過外面多數有人食緊煙
店主服務超好，勁friendly同有禮貌，feel到佢嗰種熱誠💓店主本身都係狗主，因而好鍾意狗，特登買來俾咗啲風乾雞肉請我啲狗狗食🫶🏻
性價比算高，而家有8折開張優惠，平均$86一個人，會想再嚟幫襯🥰見lunch hour唔少打工仔嚟幫襯
張貼
