四季良晨 (迎海薈) (已結業)

今日去到馬鞍山探朋友，玩完一輪後就食個晚餐，朋友屋企直接望到落去呢間台式餐廳，見到有位再搭電梯落去都好方便🎢 門面睇落都幾有質感，有台灣小文青茶房感覺，吧檯前放滿佈置，幾有心思🏣菜單比較simple，全日套餐唔使煩，鍾意食既野就全日都有供應。由滷肉飯到牛肉麵有，十款主食已經cover咗台灣出名美食，仲有4種小食🤤 🍜手工花枝丸米線 $58花枝丸唔算太食得出係手打感，因為起膠唔算太多，咬落未算好彈牙，不過就都新鮮既唔會好軟身無味。米線有咬口，湯底味道適中。 🥘紅燒腱心牛肉麵 $69呢個寫住餐廳推介，水準的確係好d，湯頭夠香濃，牛肉足料勁多舊，仲有入味蘿蔔。麵身係拉麵式，幼身冇咁掛湯惹味。 🐮跟餐小食揀咗滷水豆腐同牛肚，豆腐丁吸哂汁好正，牛肚無腥味，肉質軟嫩薄身唔錯。